İtirilmiş və oğurlanmış telefonlar üçün bu nömrəyə zəng vurun - VİDEO

Müxtəlif səbəblərdən bəzi şəxslərin mobil telefonu itə, ya da oğurlana bilir.

İtmiş və ya oğurlanmış mobil telefonların tapılması mümkündür. Sadəcə, bunun üçün müvafiq qurumlara vaxtında müraciət etmək lazımdır.

Bu gün müxtəlif səbəblərdən bəzi şəxslərin mobil telefonu itə, ya da oğurlana bilir. Nəticədə telefonsuz qalan vətəndaş, onu necə tapacağı və hansı üsullarla axtaracağı sualı ilə müəmmalara qərq olur.

Araşdırmalar göstərir ki, heç də hər zaman itmiş və ya oğurlanmış telefonu tapmaq mümkün olmur. Bunun da müxtəlif səbəbləri var. Misal üçün, bu cür hallarla rastlaşan vətəndaş ya bu barədə aidiyyəti qurumlara gec müraciət edir, ya da kimlərsə, tərəfindən tapılan telefonun mühafizə sistemi hakerlərin köməkliyilə sındırılır və İMEİ kodu dəyişdirilərək yenidən işlənmiş telefon kimi satışa çıxarılır.

Təəssüflər olsun ki, çox vaxt bundan qorunmaq istəsək də, bəzən kiminsə, telefonuna sahib çıxmış oluruq. Maraqlıdır bəs şəhərdəki telefon satışı dükanlarında satıcılar bu cür telefonları alarkən əsas nəyə diqqət yetirirlər.

"İlk öncə şəxsiyyətini təsdiq edən sənədi tələb edirik və onun surətini çıxarırıq. Eyni zamanda İMEİ kodunu və imza atdırırıq. Həmin şəxslə əlaqə saxlamaq məqsədilə telefon nömrəsini götürürük. Əgər telefonu satarkən bir problem yaranarsa, o zaman bu barədə polisə müraciət edirik", - deyə satıcı Şamil Kərimov bildirib. 

Amma razılaşmaq lazımdır ki, heç də bütün satıcılar belə etmir. Telefonu ucuz almaq naminə heç bir sənəd təqdim etmədən alqı-satqı prosesini həyata keçirirlər. Bəs bütün bu prosseslərin qarşısını necə almaq olar.

Milli.Az ANS TV-yə istinadən xəbər verir ki, ilk öncə bunun üçün Rabitə və Yüksək Texnalogiyalar Nazirliyində "qaynar xətt" möcuddur ki, siz 17 66 və daxili nömrə 5-i yığmaqla itmiş və ya oğurlanmış telefonunuz haqda məlumat verə bilirsiz.

Bu zaman abunəçinin zəngi qeydə alınır və müraciəti araşdırılır. Onun İMEİ kodu müəyyənləşdirilərək, 24 saat ərzində şəbəkədə istismarına məhdudiyyətlər qoyulur. Həmin cihaz nəzarətə götürülür. 

Telefondan digər bir şəxs istifadə etdiyi təqdirdə, mövcud qaydalara əsasən nazirlik tərəfindən, həmin telefon itirilmiş olması və dərhal yaxınlıqdakı polis məntəqəsinə müraciət olunması barədə sms göndərilir. Eyni zamanda, polisə itmiş telefonunuz barədə müraciət etməniz də vacibdir. Çünki polis axtarış prossesini nazirliyin operatorundan aldığı məlumatlar əsasında aparır.

"Ümumiyyətlə, itmiş telefon barədə vətəndaş respublikanın bütün ərazilərində fəaliyyət göstərən polis bölmələrinə müraciət edə bilər. Vətəndaşın müraciəti əsasında polis bunula bağlı Rabitə və Yüksək Texnologiyalar Nazirliyinə məlumat verir. Həmin məlumatlar əsasında itirilmiş cihazların şəbəkədən istismarına məhdudiyyət tətbiq olunur. Həmin cihaz tapıldıqdan sonra yenidən aktivləşdirilir", - deyə nazirliyin baş məsləhətçisi Zakir Qasımov qeyd edib.

Əgər siz aldığınız telefonun itirilmiş və ya oğurlanmış olmasından şübhə edirsizsə, o zaman telefonunuzdan *dyes 06 dyes yes nömrəsinə göndərməklə, İMEİ kodu əldə edib 16 77-ə sms göndərirsiz.

Qısa zamanda sizə gələn cavabdan telefonunuzun itirilmiş və ya oğurluq olub-olmaması haqda bütün məlumatlarları əldə edə biləcəksiz. 

Amma bütün hallarda alqı-satqı prossesində diqqətli olmanız məsləhət görülür.

Milli.Az

Videonu izləmək üçün şəkilə klikləyin.​