Şəkidə iki gün öncə yağan güclü yağış şəhər ərazisində bir sıra fəsadlara yol açıb. Bəzi fərdi təsərrüfatlara ziyan dəyib.
Milli.Az Kanal S-ə istinadən xəbər verir ki, Şəkidə yağan güclü yağış nəticəsində şəhərin Məmməd Əmin Rəsulzadə prospektindəki evlərdən birinin həyətinə su dolub. Ev 18-də yaşayan Tahir Rəhimovun sözlərinə görə, bu həyətdən keçən su arxı kanalizasiya və məişət tullantılarını da özü ilə bərabər gətirib.
Nəticədə həyətyanı sahədə 6 sot təsərrüfat yararsız vəziyyətə düşüb. Tahir Rəhimov deyir ki, oxşar problemlə 25 ildir ki, üz-üzədir. Bu barədə dəfələrlə aidiyyəti qurumlara müraciət etsə də, nəticə hasil olmayıb. Məsələ ilə bağlı Şəki Bələdiyyəsinə üz tutduq. Qurum rəsmisi vəziyyətdən xəbərdar olduqlarını və yaxın zamanda problemin həllini tapacağını bildirdi.
Milli.Az