Azərbaycanın idman ictimaiyyətinə ağır itki üz vermişdir. Görkəmli idman xadimi, məşhur futbolçu, SSRİ əməkdar idman ustası, SSRİ-nin əməkdar məşqçisi, dörd dəfə SSRİ çempionu, Azərbaycan Respublikası Prezidentinin fərdi təqaüdçüsü, Azərbaycan Dövlət Neft Akademiyasının kafedra müdiri, professor Ələkbər Əmir oğlu Məmmədov ömrünün 85-ci ilində vəfat etmişdir.
Ələkbər Məmmədov 1930-cu il may ayının 9-da Bakı şəhərində anadan olmuşdur. O, 1952-ci ildə Azərbaycan Dövlət Bədən Tərbiyəsi İnstitutunu və 1965-ci ildə Azərbaycan Dövlət Universitetinin jurnalistika fakültəsini bitirmişdir.
Ələkbər Məmmədov 1948-1953-cü illərdə Bakının "Neftçi", 1954-1959-cu illərdə Moskvanın "Dinamo" və 1960-1962-ci illərdə yenidən Bakının "Neftçi" komandalarının tərkibində parlaq oyunları ilə məşhur futbolçu kimi tanınmışdır. O, 1958-ci ildə futbol üzrə ilk Avropa kuboku uğrunda seçmə yarışlarda SSRİ yığma komandasının heyətində çıxış etmiş, dünyanın iyirmidən artıq ölkəsinin stadionlarında əfsanəvi oyun nümayiş etdirərək futbolumuzun şərəfini yüksəklərə qaldırmış və Azərbaycan futbol məktəbini layiqincə təmsil etmişdir.
Ələkbər Məmmədov 1963-1965 və 1971-1972-ci illərdə "Neftçi" komandasının, 1993-cü ildə isə Azərbaycan yığma komandasının baş məşqçisi olaraq təqdirəlayiq fəaliyyət göstərmiş, respublikamızda gənc idmançıların hazırlanması və yüksək səviyyəli futbolçuların yetişdirilməsində müstəsna rol oynamışdır. O, Azərbaycan Futbol Federasiyaları Assosiasiyasının və Milli Olimpiya Komitəsinin icraiyyə komitələrinin üzvü idi.
İdman sahəsindəki səmərəli fəaliyyətini pedaqoji işlə uğurlu şəkildə əlaqələndirən Ələkbər Məmmədov uzun illər ərzində respublikanın müxtəlif ali məktəblərində çalışmış, sağlam ruhlu yeni nəslin yetişdirilməsinə töhfələr vermişdir.
Azərbaycan futbol tarixinə silinməz səhifələr yazmış Ələkbər Məmmədovun adı ölkəmizin idman salnaməsinə həmişəlik həkk olunmuşdur. Mənəvi-əxlaqi keyfiyyətləri və doğma xalqına dərin bağlılığına görə idman ictimaiyyəti onun şəxsiyyətinə hörmət və ehtiramla yanaşmışdır. Mahir futbolçunun nailiyyətləri həmvətənlərinin qəlbini daim qürur hissi ilə doldurmuşdur.
Ələkbər Məmmədov dünya futbolunun parlaq simalarından biri kimi Azərbaycanda futbolun inkişafı və təbliğində böyük xidmətlər göstərmişdir. Bütün həyatını futbola həsr etmiş mahir idmançı ömrünün sonunadək ona sadiq qalmış, öz fədakarlığı və peşəkarlığı sayəsində idman həvəskarlarının dərin rəğbətini qazanmışdır.
Ələkbər Məmmədovun Azərbaycanda idmanın, xüsusilə futbolun inkişafında və gənc nəslin təlim-tərbiyəsində xidmətləri yüksək qiymətləndirilmişdir. O, bir çox mükafatlar, orden və medallar almış, müstəqil Azərbaycan Respublikasının ali təltiflərindən olan "Şöhrət" ordeninə layiq görülmüşdür.
Görkəmli idman xadimi, əfsanəvi futbolçu, mahir pedaqoq və səmimi insan Ələkbər Əmir oğlu Məmmədovun əziz xatirəsi onu tanıyanların qəlbində həmişə yaşayacaqdır.
Allah rəhmət eləsin!
İlham Əliyev
Artur Rasizadə
Oqtay Əsədov
Ramiz Mehdiyev
Elçin Əfəndiyev
Mehriban Əliyeva
Hacıbala Abutalıbov
Fatma Abdullazadə
Azad Rəhimov
Mikayıl Cabbarov
Rövnəq Abdullayev
Ağacan Abiyev
Siyavuş Qarayev
Çingiz Hüseynzadə
Xəzər İsayev
Rauf Əliyev
Elşad Nəsirov
Yuri Kuznetsov
Kazbek Tuayev
Valeri Hacıyev
Mübariz Zeynalov
Yaşar Babayev
İqor Ponomaryov
İsgəndər Cavadov
X X X
Mərhumla vida mərasimi 2014-cü il avqust ayının 4-də saat 13.00-dan 15.00-dək Azərbaycan Dövlət Bədən Tərbiyəsi və İdman Akademiyasının akt zalında (Fətəli xan Xoyski prospekti, 98) keçiriləcəkdir.
AzərTAc
Cəmiyyət
VTB-də minimal faiz dərəcəsi ilə nağd kredit 10.49%-dən
Azərbaycanın dövlət rəsmiləri Ələkbər Məmmədovun vəfatı ilə əlaqədar başsağlığı veriblər
2 Avqust 2014 00:31
Baxış: 2 507

DİGƏR XƏBƏRLƏR
-
Yayda Azərbaycanda münasib büdcə ilə harada dincələ bilərik?
-
Günün qoroskopu: Qorxma, çünki hər yeni gün yeni bir nəfəsdir
-
Zaurun efirində gərgin anlar: Ər-arvad qırğına çıxdılar - VİDEO
-
Küləkli hava şəraiti nə vaxta kimi davam edəcək?
-
Boşanma zamanı kredit borclarını kim ödəməlidir? - Vəkil AÇIQLADI
-
“Sadəcə QR oxuduram və qatara minirəm” - YENİLİK
XƏBƏR LENTİ
-
Çıxarışlı torpaq sahələri bahalaşır - VİDEO
-
Yayda Azərbaycanda münasib büdcə ilə harada dincələ bilərik?
-
Kondisionerlər insan səhhəti üçün hansı fəsadlar yarada bilər?
-
Qarpızdan zəhərlənməmək üçün nələrə diqqət etmək lazımdır?
-
"Eşref Rüya"nın aktrisasından hovuzda FOTOSESSİYA
-
Uşaqlarda dəri yanması riski: Xərçəngə səbəb olur
-
Bu qidaları birlikdə YEMƏYİN – Ekspertdən xəbərdarlıq
-
Son zamanlarda yayılan xəstəlik nədir? - Həkimdən AÇIQLAMA
-
Azad, abad, zəfər əhvallı Xankəndidən fotoreportaj
-
"Traktor" klubunun oyunları Azərbaycanda canlı yayımlanacaq
-
"Dövlətin ayırdığı pulsuz dərmanı ala bilmirəm" - VİDEO
-
Xankəndidə beynəlxalq sammit: Azərbaycanın geosiyasi qələbəsi
-
İran yenidən hava məkanını açır
-
“Qəbələ”nin yeni transferi
-
Günün qoroskopu: Qorxma, çünki hər yeni gün yeni bir nəfəsdir
-
Xanımı Azərin heç yerdə olmayan görüntülərini paylaşdı - VİDEO
-
Daha bir güləşçimiz Avropa çempionu oldu
-
İlham Əliyev və Şavkat Mirziyoyev Xankəndidə sakinlərlə səmimi söhbət ediblər - VİDEO
-
DİM 393 abituriyentin yazı işinə düzəliş etdi - ŞİKAYƏT
-
"Kill Bill"in aktyoru vəfat etdi - FOTO
-
Tacir Şahmalıoğluna 80 minlik saat hədiyyə ediblər - VİDEO
-
Azərbaycan, Özbəkistan və Qırğızıstan prezidentləri Ağdamda Şahbulaq qalasında olublar - FOTO
-
Paşinyan yenə II Qaregini istefaya çağırdı
-
Bu sahələrdə işçi çatışmır - VİDEO