Cəmiyyət

"Lənkəran: ensiklopedik məlumat" kitabı nəşr olunub - VİDEO - FOTO

18 Aprel 2014 15:06

Baxış: 2 126

#AZERBAİJAN #BÖLGƏ XƏBƏRLƏRİ

Milli.Az CTV-yə istinadən bildirir ki, Azərbaycan Yazıçılar Birliyinin üzvləri Mirhaşım Talışlı və Etibar Əhədovun birgə qələmə aldıqları "Lənkəran: ensiklopedik məlumat" kitabı çapdan çıxıb.

Kitabın müəlifləri filologiya elmləri namizədi, prezident təqaüdçüsü Mirhaşım Talışlı və tanınmış publisist, 50 dən çox kitabın müəllifi olan Hacı Etibar Əhədovla söhbətimə elə çay süfrəsi arxasında yeni nəşrdə ixtisaslaşmış məlumatlarla başladıq. Hacı Etibar Əhədov bildirdi ki, burada Lənkəranın tarixi, coğrafiyası, toponimikası, idarə, müəssisə və təşkilatları, tanınmış şəxsiyyətləri, elm və sənət adamları, dövlətin müstəqilliyi və ərazi bütövlüyü uğrunda qurban getmiş şəhidlər, qəhrəmanlar, rayonun yaşayış məntəqələri, elm, təhsil müəssisələri və digər haqqında məlumatlar öz əksini tapıb.

Ensiklopediyada məqalələr əlifba sırası ilə düzülüb, diqqəti cəlb etmək üçün ayrı-ayrı başlıqlar böyük hərflərlə yazılıb. Kitabda 1700-dən çox məqalə-termin, 828 şəkil verilib, 196 elmi ədəbiyyatdan, 200-dən çox qəzet materialından istifadə edilib. Həmçinin bu kitab hazırlanarkən Azərbaycan, rus, sovet və ümumdünya ensiklopediyalarının təcrübəsindən istifadə edilib.

Ömrünün 88-ci baharını yaşayan, 5-dən çox kitabın müəllifi olan Mirhaşım Talışlı isə min bir əziyyətlə qələmə alınan kitabın gənclər üçün böyük örnək olduğunu bildiridi.
Qeyd edək ki, Lənkəran: ensiklopedik məlumat kitabının giriş hissəsində müasir Azərbaycan dövlətini memarı və qurucusu, ümummilli lider Heydər Əliyev və onun siyasi kursunun layiqli davamçısı Azərbaycan Respublikasının prezidenti İlham Əliyev, həmçinin Heydər Əliyev fondunun prezidenti, Milli Məclisin deputatı Mehriban xanım Əliyeva haqqında bölmələr yer alıb.

Milli.Az

Böyütmək üçün şəkillərə klikləyin.