Cəmiyyət

Bakıda "Şeytan çarxı" neçəyə olacaq?

11 Mart 2014 18:10
Baxış: 11 940
VTB-də minimal faiz dərəcəsi ilə nağd kredit 10.49%-dən
#CƏMİYYƏT
Dənizkənarı Milli Parkın Dövlət Bayrağı Meydanına qədər uzanmış yeni bulvar hissəsində yerləşən müasir attraksion-panoram (karusel) martın 12-si saat 11:00-dan etibarən paytaxt sakinlərinin və şəhərimizin qonaqlarının istifadəsinə veriləcək.

Bu barədə Trend-ə açıqlamasında Dənizkənarı Bulvar İdarəsinin rəis müavini Nazim Məcidov bildirib.

O, attraksion-panoramdan istifadə üçün biletlərin qiymətlərini də açıqlayib: "Artıq sabah saat 11:00-dan etibarən karusel vətəndaşların istifadəsinə veriləcək. Kassa tam gücü ilə işləyəcək. Biletlər 6 yaşınadək uşaqlar üçün pulsuz, 6 yaşından 12 yaşınadək olan uşaqlar üçün 3 manat, 12 yaşından böyük uşaqlar və böyüklər üçün 5 manat olacaq".

Qeyd edək ki, müasir attraksion-panoramın tikinti və quraşdırma işlərinə Niderlandın "Dutch Wheels" şirkəti ilə bağlanmış müqaviləyə əsasən 2013-cü ilin sentyabrında başlanılıb.

Diametri 60 metr olan yeni qurğuda hərəsində 8 nəfərlik yer olmaqla 30 kabinə var. Çarxın bir dövrəsinin vaxtı 30-40 dəqiqə təşkil edəcək.

Qeyd edək ki, Prezident İlham Əliyev və xanımı Mehriban Əliyeva martın 10-da attraksion-panoramın açılışında iştirak ediblər.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.