Cəmiyyət

"Qaraca qız"ın qəhrəmanı: "Mənə dedi ki, həyat yoldaşın səni heç vaxt sevməyəcək" - FOTO

9 Yanvar 2014 13:58
4 Şərh     Baxış: 7 414
Elə bir insan tapılmaz ki, Süleyman Sani Axundovun eyniadlı hekayəsi əsasında ekranlaşdırılan "Qaraca qız" filminə baxmasın. "Qaraca qız"ın əsas qəhrəmanlarından biri Xədicə rolunun ifaçısı Leyli Axundovadır.

Milli.Az-ın axşam.az-a istinadən məlumatına görə, Leyli Axundova hazırda Bakı Xoreoqrafiya məktəbində çalışır. Ailənin tək övladı olan aktrisa sözügedən filmdə öz həyatını oynadığını bildirib:

"Burada mən öz həyatımı canlandırmışam. Uşaqlığım zəngin bir ailədə keçib, xüsusi tərbiyə almışam. 134 saylı məktəbi bitirmişəm. Asəf Zeynallı adına musiqi məktəbinin fortepiano sinfində dərs almışam. Daha sonra Moskva Xalq İncəsənət Universitetinin rəssamlıq fakültəsində təhsil aldım. Atam həmişə istəyirdi ki, rəssam olum. "Qaraca qız" filminə çəkiləndə ikinci sinifdə oxuyurdum. Bir çox bağlı qapılar o filmə görə üzümə açılıb. Filmin çəkilişi 8 ay davam etdi. Oradakı qaraçıların hamısı Moskvadan gəlmişdi. Çəkiliş zamanı mənə fala baxmağı da öyrətmişdilər. Hətta falıma baxıb nə demişdilərsə, sonradan hamısı düz çıxdı. Demişdilər ki, sən orqan işçisinə ərə gedəcəksən, amma heç vaxt səni sevməyəcək. Filmdə bəzi kadrları çətinliklə çəkmişdik. İlanın məni sancdığı an ən qorxduğum məqam idi. İlandan elə qorxmuşdum ki, üç gün 40 dərəcə qızdırmada yandım. Atam bu xəbəri eşidəndə anamı danlamışdı".

Hazırkı həyatından danışan L.Axundova iki qızı və iki nəvəsi olduğunu deyib:

"Qızlarımdan çox razıyam. Onlar da mənim kimi çox emosionaldırlar. Filmdə anam çox sərt idi. Elə həyatdakı anamla bənzəyirdilər. Amma mən qızlarıma sərbəstlik vermişdim. Keçmiş həyat yoldaşım da məni heç qısqanmırdı. İndi həyatımda yeni sevgi var. Bir neçə il bundan əvvəl bir insanla tanış oldum və evləndik. Məndən yaşca kiçikdir. Nikaha daxil olana qədər bunu məndən gizlətdi. İndi çox xoşbəxtəm. Mənə bir neçə şeir həsr edib. Özü də çox qısqancdır".
 
Milli.Az


Böyütmək üçün şəkillərə klikləyin.

loading...

Şərh yaz:

4 Şərh:

  • Anonim
    Anonim · 9 Yanvar 2014 16:1500

    Falchilar geleceyi bilmez,qeybi bilen Allahdir..sadece bezen insanlar ozlerini falchinin dediyine o qeder inandirirlar ki,heyatlarinda hadiseleri shuuralti wekilde ona uyqunlawdirirlar.....

    Cavab yaz
    • Anonim
      Anonim · 11 Yanvar 2014 00:3300

      Fala inanma, falsid
      Fala inanma ,falsizda kalma.

      Cavab yaz
  • Anonim
    seva · 9 Yanvar 2014 17:5410

    indi de usaqliqda ki kimi gozeldir

    Cavab yaz
  • Anonim
    Anonim · 9 Yanvar 2014 19:1600

    lilya xanim,lilya xanim....

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.