Cəmiyyət

Xırdalan–Biləcəri xəttində qatarların hərəkət qrafiki dəyişdirildi

28 Avqust 2026 11:50

Baxış: 241

VTB-də minimal faiz dərəcəsi ilə nağd kredit 9.9%-dən

"Azərbaycan Dəmir Yolları" QSC (ADY) Xırdalan-Biləcəri sahəsində dəmiryol infrastrukturunun yenilənməsi çərçivəsində körpünün bərpasına start verib.

Milli.Az xəbər verir ki, təmir işləri ilə əlaqədar şəhərətrafı qatarların hərəkət cədvəlində müvəqqəti dəyişikliklər tətbiq olunub.

Bildirilib ki, Xırdalan-Bakı istiqamətində hərəkət sürəti və marşrutda tətbiq edilən dəyişikliklər səbəbindən qatarların mənzilə çatma müddəti müvəqqəti olaraq uzadılıb.

Eyni zamanda, sərnişin tələbatının qarşılanması məqsədilə şəhərətrafı qatarların gündəlik reyslərinin sayı 84-dən 90-a yüksəldilib.

ADY-dən qeyd olunub ki, körpünün bərpası tamamlandıqdan sonra bu istiqamətdə qatarların hərəkət sürəti artırılacaq və cədvəl yenidən tənzimlənəcək. Bununla yanaşı, Xırdalan-Sumqayıt xətti üzrə sərnişindaşımanın da bərpası planlaşdırılır.

Şəhərətrafı qatarların hərəkətinin tədris ili başladıqdan qısa müddət sonra tam bərpa ediləcəyi gözlənilir.

Müəllif: Malik Məlikov (Milli.Az redaktor)