Cəmiyyət

Ucuz geyimlər almayın - SƏBƏB

17 Mart 2026 15:56

Baxış: 954

VTB-də minimal faiz dərəcəsi ilə nağd kredit 9.9%-dən

#CƏMİYYƏT

Geyimlərin üzərindəki etiketlər məhsulun keyfiyyəti və sağlamlığa təsiri barədə mühüm məlumatlar verir.

Milli.Az xəbər verir ki, italiyalı sahibkar Mattia Berveglierinin sosial şəbəkədə başlatdığı maarifləndirici trend bu mövzunu yenidən gündəmə gətirib.

O bildirib ki, ucuz qiymətə alınan geyimlər sonradan həm keyfiyyət, həm də sağlamlıq baxımından daha baha başa gələ bilər.

Qeyd edilir ki, geyim alarkən ilk növbədə onun parça tərkibinə diqqət yetirilməlidir. Xüsusilə 50% pambıq və 50% polyester qarışığından ibarət məhsulların alınması tövsiyə olunmur. Bu cür parçalar tez-tez tərləməyə, qoxu yaranmasına və məhsulun tez sıradan çıxmasına səbəb olur.

Daha doğru seçim kimi 100 faiz pambıq, yun və kətan kimi təbii materiallar göstərilir. Bununla yanaşı, geyimin elastikliyini təmin etmək üçün tərkibində az miqdarda elastan (2-5 faiz) olan parçalar da uyğun hesab olunur. Alternativ variant kimi viskoz materiallar da qeyd edilir.

Ekspertlər bildirir ki, çox ucuz məhsulların istehsalında aşağı keyfiyyətli materiallardan və ya ucuz əmək qüvvəsindən istifadə edilməsi ehtimalı yüksəkdir.

Mütəxəssislər xəbərdarlıq edir ki, "təkrar emal olunmuş polyester" belə ətraf mühitə zərər verməkdə davam edir. Bu cür hallara "greenwashing", yəni istehlakçıları yanıltmaq üçün ekoloji görüntü yaratmaq deyilir.

Mütəxəssislər düzgün alış-veriş üçün üç əsas qaydanı tövsiyə edir: daha az, ldaha keyfiyyətli məhsul almaq və onları uzun müddət istifadə etmək.

Mina Mikayılova
Milli.Az