Cəmiyyət

İlqar Mustafayevin səhhəti ağırlaşdı

4 Mart 2026 19:56
Baxış: 3 267
VTB-də minimal faiz dərəcəsi ilə nağd kredit 9.9%-dən
#CƏMİYYƏT

Dənizkənarı Bulvar İdarəsinin 12 milyonluq mənimsəmə ittihamı ilə həbs edilən sabiq sədri İlqar Mustafayevin səhhəti pisləşib.

Milli.Az qafqazinfo-ya istinadən xəbər verir ki, bu səbəbdən bugünkü məhkəmə prosesi keçirilməyib.

Hakim Leyla Əsgərova-Məmmədova deyib ki, İlqar Mustafayevin hazırkı vəziyyəti məhkəmədə iştirakını istisna edir. Eks-sədrin Penitensiar Xidmətin Müalicə Müəssisəsinə yerləşdirildiyi, hazırda həkim nəzarətində olduğu bildirilib.

Təqsirləndirilən şəxs ürək xəstəliyindən əziyyət çəkir. Müalicənin gedişindən asılı olaraq növbəti məhkəmənin keçirilmə günü müəyyən ediləcək.

Qeyd edək ki, İlqar Mustafayev köməkçisi Rəşad Bədəlov və "Girasol" MMC-nin direktoru Fuad Babayevlə birlikdə mühakimə olunur. Sonuncu ikisi azadlıqdadır. Cinayət işi Baş Prokuror yanında Korrupsiyaya qarşı Mübarizə Baş İdarəsi tərəfindən istintaq olunub. Verilmiş ittihamlar sübuta yetirilsə, keçmiş vəzifəliləri 10 ildən artıq həbs cəzası gözləyir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.