Cəmiyyət

Su təchizatı sektorunda ciddi qanun pozuntuları aşkarlandı

14 Fevral 2026 20:32
Baxış: 910
VTB-də minimal faiz dərəcəsi ilə nağd kredit 9.9%-dən
#SU

Təbii inhisar subyektləri tərəfindən rəqabət qanunvericiliyinin tələblərinə riayət olunması istiqamətində 2025-ci il üzrə aparılan araşdırmalar çərçivəsində, Prezident yanında Antiinhisar və İstehlak Bazarına Nəzarət Dövlət Agentliyi Dövlət Su Ehtiyatları Agentliyinin (ADSEA) tabeliyindəki "Regional Su Meliorasiya Xidməti" publik hüquqi şəxsdə (PHŞ) həyata keçirilən yoxlamanın yekunlarını ictimaiyyətə təqdim edib.

Milli.Az xəbər verir ki, bu xüsusda Dövlət Agentliyi rəsmi açıqlama yayıb.

Qeyd olunub ki, araşdırma prosesinə vətəndaşlardan daxil olan müraciətlərə istinadən start verilib:

"Monitorinqin gedişatında istehlakçı hüquqlarına zərər vura biləcək fəaliyyətlər, məhsul istehsalı və satışı zəncirində ehtimal olunan nöqsanlar, həmçinin təbii inhisar subyektinin şəbəkələrinə qoşulma və ya təqdim edilən xidmət həcminin genişləndirilməsi zamanı mövcud normativ hüquqi aktlarda nəzərdə tutulmayan qaydaların tətbiqi vəziyyəti təhlil edilib.

Bununla bərabər, su təchizatı sektorunda tariflərin düzgün tətbiq edilməməsi ilə əlaqədar rəqabət qanunvericiliyinin pozulması ehtimalları da yoxlanış predmetinə daxil edilib.

Yoxlamanın yekunlarına müvafiq olaraq, rəqabət qanunvericiliyinin pozulması faktları və əlamətləri təsdiqini tapdığı üçün sözügedən təbii inhisar subyekti barəsində iş açılıb".

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.