Cəmiyyət

Bayram günlərində balanslı qidalanma necə olmalıdır? - AÇIQLAMA

23 Dekabr 2025 04:04

Baxış: 1 126

VTB-də minimal faiz dərəcəsi ilə nağd kredit 9.9%-dən

Yeni il bayramı həm sevincli, həm də ziyafətlərlə dolu günlərdir. Süfrələrimizin bəzəyi cürbəcür yeməklərlə göz oxşayır. Lakin mütəxəssislər qeyd edir ki, bu dövrdə düzgün qidalanmamaq sağlamlıq problemlərinə səbəb ola bilər.

Bəs Yeni İldə necə qidalanmalıyıq?

Milli.Az xəbər verir ki, qida eksperti Məhsəti Hüseynovanın sözlərinə görə, bayram süfrəsində balanslı qidalanma vacibdir:

"Yüngül və vitaminlə zəngin salatlar, tərəvəz və meyvələr yemək həzm sisteminə dəstək olur. Ağır və yağlı yeməkləri həddindən artıq qəbul etmək isə ürək-damar sisteminə yük gətirə bilər. Alkoqollu içkilərin miqdarını azaltmaq və bol su içmək də həkimlərin tövsiyə etdiyi önəmli məqamlardandır. Qısa fasilələrlə və kiçik porsiyalarla yemək, orqanizmi yormadan bayramı keçirməyə imkan verir".

Mütəxəssis onu da xatırladır ki, bayram günlərində qidalanma vərdişlərini tamamilə dəyişdirmək yerinə, balanslı seçimlərlə süfrəyə yaxınlaşmaq daha sağlamdır. Həmçinin fiziki aktivliyi saxlamaq, yürüşlər və yüngül idman hərəkətləri ilə bayramı daha rahat keçirmək mümkündür.

Qeyd edək ki, Yeni il ziyafətlərində balansı qorumaq və həddən artıq yeməkdən çəkinmək, həm sağlamlıq, həm də bayramın zövqünü artırmaq üçün əsas şərtdir.

Aysel Əkbər
Milli.Az