Cəmiyyət

Yeni tədris ilində kirayə problemi - Tələbələr harada qalacaq?

8 Sentyabr 2025 10:22

Baxış: 434

VTB-də yüksək depozit faizleri daha çox qazandırır

#CƏMİYYƏT #KİRAYƏ

Yeni tədris ilinin başlaması ilə yataqxana və kirayə mövzusu aktuallaşır. Rayondan Bakıya, eləcə də paytaxtdan bölgələrə gedən tələbələr müvəqqəti yaşayış üçün mənzil axtarırlar.

Bəs kirayə mənzil bazarında vəziyyət necədir?

Milli.Az xəbər verir ki, tələbələrin sözlərinə görə, paytaxtda ev tapmaq bölgələrə nisbətən daha rahatdır.

Belə ki, Gəncədə 3 universitet, bir neçə kollec fəaliyyət göstərir. Lakin sadəcə Aqrar Universitetinin yataqxanası var. Bir tələbə komunal daxil illik 600 manat ödənişlə qala bilər. Yataqxanada yer olmayanda isə tələbələr kirayə tutmağa məcburdurlar.

Rieltorların sözlərinə görə, qiymətlər bu il daha da artıb:

"Keçən il 250 manata olan evlər bu il 350 manatdır. Ümumilikdə Gəncədə 300 manatdan aşağı kirayə ev tapmaq müşkül məsələdir".

Quba şəhərində də 1 universitet, bir neçə kollec var. Burda da yalnız universitetin tələbə yataqxanası var. Mənzilini kirayə verən şəxslərin sözlərinə görə, bu il tələbə sayı həddən artıq çoxdur.

Lənkəran şəhərində isə tələbə yataqxanası 60 manatdan başlayır. Zaqatalada isə kirayə evlərin qiyməti 100-450 manat arası dəyişir.

Əmlak məsələləri üzrə ekspert Elnur Fərzəliyev bildirib ki, rayonlarda mənzillərin qiymətinin artmasında tələbələrin də rolu var:

"Belə ki, tələbələrin çox olduğu rayonlarda kirayə mənzillərin qiyməti daha da artır. Həmçinin bu seçilən rayonların turistlik zona olması da qiymətə təsir edir".

Qeyd edək ki, ölkədə tədris ili 15 sentyabrda başlayacaq.

Aysel Əkbər
Milli.Az