Cəmiyyət

Şad xəbər: Şuşaya daha tez çatacaqsınız

7 İyul 2025 15:20
Baxış: 4 576
VTB-də minimal faiz dərəcəsi ilə nağd kredit 9.9%-dən
#YOL #ŞUŞA

Əhmədbəyli-Füzuli-Şuşa avtomobil yolu Beynəlxalq Yol Federasiyası tərəfindən innovativ inşaat metodologiyası nominasiyası üzrə qalib seçilib.

Milli.Az xəbər verir ki, bu barədə məlumatı Azərbaycan Avtomobil Yolları Dövlət Agentliyinin layihələr üzrə mühəndisi Əyyub Hüseynov verib. Onun sözlərinə görə, işğaldan azad edilən ərazilərdə yeni yol infrastrukturu müasir standartlara uyğun və yüksək keyfiyyətlə inşa olunur. Bu layihələrdən biri də iyulun 3-də istifadəyə verilən Əhmədbəyli-Füzuli-Şuşa avtomobil yoludur.

Yeni yol həm "Zəfər yolu"na alternativdir, həm də daha qısadır. Belə ki, əvvəlki 101 kilometrlik məsafə yeni marşrutla 81,7 kilometrə enib və bu da məsafəni 19,3 kilometr azaldır.

Birinci texniki dərəcəyə uyğun salınan avtomobil yolunun ilk 48 kilometri 6 hərəkət zolağından, qalan 33,7 kilometri isə 4 zolaqdan ibarətdir. Yol boyunca 1 yol qovşağı, 11 körpü, 7 tunel, 6 viaduk, yeraltı keçidlər və digər vacib infrastrukturlar inşa olunub. Körpülərin ümumi uzunluğu 1557 metr təşkil edir.

Tikinti işləri zamanı yol boyunca dəmir-beton və metal sədd çəpərlər, müasir işıqlandırma sistemi və digər təhlükəsizlik elementləri quraşdırılıb.

Əyyub Hüseynov əlavə edib ki, Əhmədbəyli-Füzuli-Şuşa avtomobil yolu Hacıqabul-Horadiz-Ağbənd-Zəngəzur dəhlizi magistral yolundan başlayaraq Füzuli, Xocavənd, Xocalı və Şuşa şəhərlərini birləşdirir.

Asya
Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.