Cəmiyyət

Əmək Məcəlləsinə dəyişiklik: Məzuniyyət qaydaları dəyişə bilər

4 İyun 2025 16:15

Baxış: 7 571

VTB-də minimal faiz dərəcəsi ilə nağd kredit 10.49%-dən

#CƏMİYYƏT

Əmək qanunvericiliyində bir sıra dəyişikliklər gözlənilir. Bunlardan biri də məzuniyyətlə bağlıdır. Belə ki işçi ərizə yazmasa işə götürən onu məzuniyyətə göndərə bilmir. Bunun isə dəyişdirilməsi təklif olunur.

Bəs bu zərurət nədən irəli gəlir?

Milli.Az xəbər verir ki, əmək hüquqları ilə bağlı mütəxəssis Nihad Əliyev deyir ki, hazırda qanunvericiliyə əsasən, işçinin məzuniyyətə çıxmaqla bağlı ərizəsi olmadığı tədqirdə işə götürən tərəfindən məcburi məzuniyyətə göndərilə bilməz. Tək bura əmək məzuniyyətindən söhbət gedə bilməz. Sadalanan bütün məzuniyyətlərdə 112-ci maddəyə əsasən, mütləq şəkildə işçinin ərizəsi olmalıdır. Daha sonra işə götürən bunu əmrləşdirməlidir.

Bəzi hallarda isə işçi məzuniyyətə çıxmayıb onun yerinə kompensasiya istəyir. Bəs bu hansı hallarda mümkündür?

Mütəxəssis qeyd edir ki, 135-ci maddəyə əsasən, işçi hansı səbəbdən olursa olsun, rəhbərliyə müraciət edərək il ərzində çıxmadığı məzuniyyət günlərinə görə kompensasiya tələb edə bilər.

Hüquqşünas Sahib Məmmədov isə bildirir ki, bəzən işçilər qəsdən məzuniyyət hüququndan istifadə etmirlər. Sonra onun əvəzinə kompensasiya alırlar. Bu da işə götürənlər üçün problem yaradır. İşçinin bir neçə illər məzuniyyətə çıxmayıb qarşılığında kompensasiya alması onun sağlamlığına və əmək keyfiyyətinin azalmasına gətirib çıxarır. Təklif olunan yeniliklər məhz bu kimi halların qarşısını almağa yönəlib.

Qeyd edək ki, imtiyazlı şəxslər, azyaşlı uşağı olanlar, əlillər, müharibə veteranları və digər kateqoriyadan olan şəxslər istədikləri vaxt məzuniyyətə çıxa bilərlər.

Aysel Əkbər
Milli.Az