Cəmiyyət

9 mərtəbəli binanın 8-ci mərtəbəsində biabırçı vəziyyət hökm sürür

6 May 2025 22:39

Baxış: 5 288

VTB-də minimal faiz dərəcəsi ilə nağd kredit 10.49%-dən

#BİNA

Nizami rayonu Elşən Süleymanov küçəsində yerləşən 9 mərtəbəli binanın sakinləri şikayətçidir.

Milli.Az xəbər verir ki, sakinlərin sözlərinə görə, yağış yağanda həmin sular blokun içinə tökülür. Əraziyə baxış keçirdiyimiz zaman tikilinin əslində 9 yox 8 mərtəbə olduğu gördük. Çünki binanın 9cu mərtəbəsinin adı var, özü yoxdur.

Məsələ ilə bağlı Nizami Rayon İcra Hakimiyyətindən bildirildi ki, sözügedən yaşayış binasının inşasına 1986-cı ildən başlanılıb. Lakin tikinti başa çatdırılmayıb. Qeyd edilən ünvanda 9 mərtəbəli, 5 girişli 90 mənzilli binanın inşası nəzərdə tutulsa da yarımçıq qalıb. Tikntinin tam başa çatmasına baxmayaraq orda 14 məcburi köçkün yerləşib. Bina heç bir təşkilatın balansında deyil. Həmin tikili ilə bağlı tədbirlər görülməsi üçün aiddiyatı qurumlara dəfələrlə müraciət olunub.

Aysel Əkbər
Milli.Az