Cəmiyyət

Uşaqlar ağlayır ki, məktəbə getmirəm - ŞİKAYƏT

21 Aprel 2025 16:41

Baxış: 1 638

VTB-də minimal faiz dərəcəsi ilə nağd kredit 9.9%-dən

#MƏKTƏBLİ #ŞİKAYƏT

Masallı rayonunun Təklə kəndində yol problemi sakinlərin gündəlik həyatına ciddi təsir göstərir. Kəndin əsas yolları tamamilə dağılmış vəziyyətdədir.

Milli.Az xəbər verir ki, yağış və yeraltı suların toplanması nəticəsində küçələrdə iri gölməçələr yaranıb, palçıqdan hərəkət etmək çətinləşib.

Sakinlər bildirirlər ki, xüsusilə uşaqların məktəbə gedib-gəlməsi böyük problemə çevrilib:

"Uşaqları dərsə apara bilmirik, palçığa görə məktəbə getmək istəmirlər, ağlayırlar. Maşınla da apara bilmirəm, çünki yolun vəziyyəti maşının ehtiyat hissələrini sıradan çıxarır. Pensiya ilə maşını təmir edim, yoxsa yolu özüm düzəltdirim, bilmirəm," - deyə kənd sakini narahatlığını ifadə edib.

Kənd əhalisi aidiyyəti qurumlardan məsələ ilə bağlı tədbir görülməsini və yol infrastrukturunun təcili bərpasını istəyirlər.

Asya
Milli.Az