Cəmiyyət

Samuxda suvarma sistemi problemi həll edildi

11 Aprel 2025 21:23

Baxış: 1 034

VTB-də minimal faiz dərəcəsi ilə nağd kredit 9.9%-dən

#SU

Samux rayonu Köbər kəndinin yerli camaatı evlərini su basmasından şikayətçidirlər.

Milli.Az xəbər verir ki, onların evləri suvarma dövründə uçmaq təhlükəsi ilə üz-üzədir.

Kənd sakinlərinin sözlərinə görə, buna səbəb sahələrdən keçən suyun axını üçün kanalın olmamasıdır:

"Artıq xeyli vaxtdır ki, bu problem yaşayırıq. Aidiyyəti qurumlara müraciət edilsə də, hələ ki bir tədbir görülməyib. Biz istəyirik ki, burada kanal çəkilsin və su da axıb getsin".

Məsələ ilə bağlı Samux rayonunda su və meliorasiya sistemlərinin istismari idarəsinin baş mühəndisi Elşən Rüstəmov bildirdi ki, mövcud vəziyyət ərazidə intensiv yağış və suvarma işləri aparılması ilə bağlıdır.

Köbər kənd sakinlərini narahat edən problem barəsində məlumatlı olduqlarını, onların şikayətinə dərhal reaksiya verildiyini deyib:

"Hazırda suyun axını üçün arx qazılması məqsədilə əraziyə ağır texnika gətirilib. Arxın qazılması bu gün ərzində və ya sabah başa çatdırılacaq".

Asya
Milli.Az