Cəmiyyət

Şəkər xəstələri dərman tapmır - ŞİKAYƏT

11 Aprel 2025 14:50

Baxış: 1 314

VTB-də minimal faiz dərəcəsi ilə nağd kredit 9.9%-dən

#DƏRMAN #ŞƏKƏR XƏSTƏLİYİ

Bəzi vətəndaşlar Ucarda şəkərli diabet xəstələri üçün müvafiq dərmanları əldə edə bilmədiklərindən narazıdırlar.

Milli.Az xəbər verir ki, şəkərli diabetdən əziyyət çəkənlərdən bəziləri artıq uzun müddətdir ki, onlara həkim tərəfindən yazılmış pulsuz dərmanları əldə edə bilmirlər. Şikayətçilərin sözlərinə görə, həmin dərmanlar aptekdə satılır amma pulsuz verilmir.

Məsələ ilə bağlı TƏBİB-dən bildirilib ki, insulin analoqları yalnız müvafiq tibbi göstəriş əsasında təyin oluna bilər.

"Belə hallarda xəstənin vəziyyətini əks etdirən epiqriz, əlavə diaqnozlar və ağırlaşmalar barədə məlumatları əhatə edən sənədlər təqdim edilməlidir. Xəstəyə insulin analoqu təyin edən endokrinoloq Respublika Endokrinoloji Mərkəzinin və ya müvafiq tibb müəssisəsinin Həkim Məsləhət Komissiyasının rəyinə əsaslanan sənəd təqdim etməlidir. Bu sənəddə insulin analoqunun istifadəsinin zəruriliyi və tibbi əsaslandırılması açıq şəkildə göstərilməlidir. Belə sənədlər təqdim olunmadıqda, xəstəyə yalnız mövcud normaya uyğun dərman təminatı həyata keçirilir və insulin analoqunun miqdarında artım edilmir".

TƏBİB-dən o da vurğulanıb ki, Ucar Rayon Mərkəzi Xəstəxanasında qeydiyyatda 2938 nəfər şəkərli diabet xəstəsi var.

Bəzi sakinlər isə özlərinin səhhəti icazə vermədiyi üçün dərmanlara görə ailə üzvü gedən zaman ona dərman verilməməsindən şikayətçidirlər.

TƏBİB-dən bildirildi ki, dərmanlar üçün xəstənin özü yaxınlaşmalıdır. Xəstənin yaxınlarına dərmanlar yalniz etibarnamə ilə verilə bilər.

Asya
Millli.Az