Cəmiyyət

“Sirrin sahibi” ləqəbli səhabə

29 Noyabr 2023 00:30
Baxış: 1 049
VTB-də minimal faiz dərəcəsi ilə nağd kredit 9.9%-dən
#DİN

Huzeyfə ibn Yəmən ibn Cabir əl-Əbsi Peyğəmbərin məşhur səhabəsidir. "Sirrin sahibi" ləqəbi ilə tanınmışdır. Peyğəmbər - sallallahu aleyhi və səlləm - münafiqlərin adlarını yalnız ona bildirmişdi. O, hicrətin 36-cı ilində, Osman ibn Əffanın vəfatından qırx gecə sonra vəfat etmişdir. Huzeyfənin fəzilətinə dair rəvayət edilir ki, İbrahim demişdir: "Bir dəfə Əlqəmə Şama getdi və məscidə daxil olub: "Allahım, mənə əməlisaleh bir həmsöhbət yetir!"- dedi, sonra da gedib Əbu Dərdanın yanında oturdu.
Əbu Dərda ondan: "Kimlərdənsən?"- deyə soruşdu.
Əlqəmə: "Kufəliyəm"- deyə cavab verdi.
Əbu Dərda soruşdu: "Məgər özündən başqa heç kəsin bilmədiyi sirrin sahibi sizin aranızda deyilmi?" Bunu deyəndə o, Huzeyfəni qəsd edirdi.
Əlqəmə: "Elədir!"- dedi.
Əbu Dərda soruşdu: "Məgər Allahın Öz peyğəmbərinin xahişi ilə şeytandan qoruduğu kimsə sizin aranızda deyilmi?!" Bunu deyəndə o, Əmmarı nəzərdə tuturdu.
Əlqəmə: "Elədir!"- dedi.
Əbu Dərda soruşdu: "Məgər misvak daşıyan kimsə və etibarlı olan birisi sizin aranızda deyilmi?!" Bunu deyəndə o, Abdullah ibn Məsudu nəzərdə tuturdu.
O: "Elədir!"- dedi..." (Səhih əl-Buxari, 3743).

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.