Cəmiyyət

Taleyi müəyyən edilmiş şəhidlərin dəfni nə vaxt olacaq?

18 Sentyabr 2023 23:00
Baxış: 2 205
VTB-də minimal faiz dərəcəsi ilə nağd kredit 9.9%-dən
#İTKİNLƏR

Bu gün taleyi müəyyən edilmiş və itkin düşmüş şəxs statusunu itirmiş eyniləşdirilməsi mümkün olmuş şəhidlərin dəfn mərasimləri qanunvericiliyin tələblərinə və dini adət-ənənələrimizə uyğun olaraq yaxın zamanda təşkil olunacaq.

Milli.Az axar.az-a istinadən bildirir ki, bunu Əsir və itkin düşmüş, girov götürülmüş vətəndaşlarla əlaqədar Dövlət Komissiyasının İşçi Qrupunun rəhbəri İsmayıl Axundov "İtkin düşmüş şəxslərin taleyinin aydınlaşdırılması üçün milli və beynəlxalq səylərin artırılması" mövzusunda keçirilən beynəlxalq konfransda deyib.

O, bununla bağlı şəhid ailələrinə əlavə məlumat veriləcəyini də bildirib.

Qeyd edək ki, Birinci Qarabağ müharibəsində itkin düşmüş və şəxsiyyətləri müəyyən edilmiş daha 10 nəfərin adı açıqlanıb. Bunlardan 9 nəfəri hərbiçi, 1 nəfəri isə mülki şəxsdir: Seyfulla Veytulla oğlu Tahirov, Əbülfət Sabir oğlu Atamoğlanov, Təhsil Fikram oğlu Hacıyev, Vüqar Habil oğlu Əsədov, Əhməd Tahir oğlu Babaşov, Cahangir Məmi oğlu Xələfov, Cahid Şəfa oğlu Nağıyev, Elmar İnqilab oğlu Məmmədov, Veysəl Qasım oğlu Qasımov, Riad Fikrət oğlu Əhmədov.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.