Cəmiyyət

Niderlanddan gəlib, Bakıda müsəlman oldular…

16 İyul 2023 23:39
Baxış: 3 078
VTB-də minimal faiz dərəcəsi ilə nağd kredit 10.49%-dən

Niderlandda yaşayan ailənin övladları Timur və Emil Bakıda müsəlman olublar.

Milli.Az axar.az-a istinadən bildirir ki, bu barədə dosent Zaur Əliyev məlumat yayıb.

O bildirib ki, Timur və Emil azərbaycanlı İlkanə Qoca və holland Robert van der Bergenin övladlarıdır.

İlkanə Qoca azərbaycanlıdır, Ağdamda doğulub. Uzun müddətdir Niderlandda yaşayır və orada da ailə qurub.

Van der Bergen də Azərbaycan həqiqətlərini müdafiə edən şəxsdir, 44 günlük savaşda haqqın yanında olub, ermənilərə qarşı təbliğat savaşında iştirak edib.

"Robert 44 günlük müharibədə Niderlanda çox böyük işlər görüb, ermənilər qarşısında sipər olub. Hər zaman da dediyi bir söz var: Mən həqiqəti müdafiə edirəm", - alim qeyd edib.

Z.Əliyevin sözlərinə görə, Bergen övladlarının azərbaycanlı olmasına görə fəxr edir, özünü də mənən azərbaycanlı hesab edir.

Bu gün bu ailə övladlarına Bakıda sünnət toyu edir.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.