Cəmiyyət

Nuridə Allahyarova nazirlikdəki vəzifəsindən ayrıldı

20 Fevral 2023 16:00
Baxış: 3 194
VTB-də minimal faiz dərəcəsi ilə nağd kredit 10.49%-dən
#CƏMİYYƏT

Mədəniyyət Nazirliyinin mətbuat katibi Nuridə Allahyarova işdən çıxarılıb.

Milli.Az bakupost.az-a istinadən xəbər verir ki, nazirliyin yeni rəhbərliyi həmin posta yeni kadr axtarmağa başlayıb.

Məlumata görə, N.Allahyarovanın işdən çıxarılması ilə bağlı hələlik rəsmi əmr yoxdur. O, nazirliklə yollarının ayrılacağını dəqiqləşdirdikdən sonra öz hesabına 3 aylıq məzuniyyət götürüb.

Məsələni dəqiqləşdirmək üçün N.Allahyarova ilə danışmaq cəhdləri baş tutmayıb, o heç bir zəngə cavab verməyib.

Nazirlikdən alınan məlumatda isə bildirilib ki, o, hazırda öz xidməti otağındadır, lakin sabahdan işdə olmayacaq.

Qeyd edək ki, N.Allahyarova ötən ilin fevralında sabiq mədəniyyət naziri Anar Kərimovun müvafiq əmri ilə nazirlikdə vəzifəyə təyin olunmuşdu.

Anar Kərimov dekabrın 22-də Prezident İlham Əliyevin Sərəncamı ilə mədəniyyət naziri vəzifəsindən azad edilib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.