Cəmiyyət

Aşura günü kim qan verə bilər?

5 Avqust 2022 14:28
0 Şərh     Baxış: 912
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"18-65 yaşarası, çəkisi minimum 50 kq olan sağlam şəxslər qan verə bilər".

Bunu report-a açıqlamasında Mərkəzi Qan Bankının müdiri Qumral Ələkbərova deyib.

Onun sözlərinə görə, qanvermədən əvvəl donor ac olmamalı, ən az 2 saat əvvəl dəmir və proteinlə zəngin qidalar qəbul etməlidir: "Qan verən şəxs kifayət qədər su içməlidir. Bununla yanaşı ağır fiziki fəaliyyətdən çəkinməli, yaxşı istirahət etməlidir. Həmçinin ən azı 1 saat əvvəl siqaret çəkməməlidir".

Q.Ələkbərova onu da bildirib ki, qan verdikdən sonra mütləq şəkildə bol maye qəbul etmək lazımdır: "Qan verdikdən sonra ən azı 2 saat ərzində siqarət çəkilməməlidir. Eyni zamanda qola yapışdırılmış bandajı 2 saat saxlamaq lazımdır. Uzun müddət ayaqüstə qalmaq məsləhət görülmür. Ağır fiziki işlərlə məşğul olmaq və eyni zamanda qan verilən qolla ağır yük qaldırmaq olmaz. Donorlar qan verdikləri gün bədəni həddən artıq yoran, maye itkisinə yol açan və təzyiqin aşağı düşməsinə zəmin yaradan (sauna, hamam və s.) fəaliyyətlərdən uzaq durmalıdırlar".

Qeyd edək ki, avqustun 8-i Məhərrəm ayının 10-u, yəni Aşura günüdür. Ənənəvi olaraq, Azərbaycanda Aşura günündə qanvermə aksiyası keçirilir. Bu il Aşura günündə qanvermə aksiyalarının keçiriləcəyi ünvanlar aşağıdakılardır:

Bakı şəhəri üzrə:

Xəzər rayonu Mirmövsüm Ağa Ziyarətgahı
Nəsimi rayonu Göy məscidin (Əjdərbəy) mərasim zalı
Nizami rayonu "Şah Abbas" məscidi
Səbail rayonu Bibiheybət məscid ziyarətgahı
Suraxanı rayonu Qaraçuxur məscidi
Yasamal rayonu "Təzə Pir" məscidi

Mərkəzi Qan Bankının Gəncə, Lənkəran, Sumqayıt, Mingəçevir, Şəki, Şirvan, Bərdə və Quba bölmələri.

Beləliklə, ümumilikdə, qanvermə aksiyaları 6 məscid və ziyarətgahda, habelə 8 səhiyyə müəssisəsində həyata keçiriləcək.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.