Cəmiyyət

28 May ilk dəfə “Müstəqillik Günü” kimi qeyd olunur

28 May 2022 00:02
1 Şərh     Baxış: 1 284

Bu il ilk dəfə olaraq Azərbaycanda mayın 28-i Respublika Günü deyil, Müstəqillik Günü kimi qeyd edilir.

Milli.Az Trend-ə istinadən bildirir ki, bununla bağlı Milli Məclisin ötən il oktyabrın 15-də keçirilən plenar iclasında "Müstəqillik Günü haqqında" yeni qanun layihəsi qəbul edilib.

Qanunun qəbul edilməsi ilə 28 May - Respublika Gününün və 18 Oktyabr - Dövlət Müstəqilliyi Gününün adı dəyişdirilib. Mayın 28-i Müstəqillik Günü, oktyabrın 18-i isə Müstəqilliyin Bərpası Günü elan edilib.

XX əsr tarixə yalnız elm, texnika əsri kimi yox, həm də milli oyanış, xalqların müstəmləkəçilikdən azad olması və milli dövlətlərin yaranması əsri kimi də daxil olub.

1917-ci ildə Rusiyada baş vermiş inqilab nəticəsində Romanovlar sülaləsinə son qoyuldu. Nəticədə Rus İmperiyası dağıldı. Xalqlar öz müqəddəratlarını özləri həll etməli oldular. Bu imkandan istifadə edərək 1918-ci il mayın 28-də Azərbaycanın milli qayəli, milli təfəkkürlü övladları Azərbaycan Xalq Cümhuriyyətini elan etdilər.

Azərbaycan Xalq Cümhuriyyəti təkcə Azərbaycanda deyil, bütün Şərqdə ilk demokratik respublika idi. Bu, respublika parlamentli dövlət idi. Onun dövlət atributları - bayrağı, himni, gerbi qəbul edildi. Üçrəngli bayraqda türkçülük, islamçılıq və avropalaşmaq bir vəhdətdə idi. Ancaq Azərbaycan Xalq Cümhuriyyəti cəmi 23 ay yaşaya bildi. 1920-ci il aprelin 28-də bolşeviklərin 11-ci ordusu Azərbaycanı işğal etdi və respublika süquta uğradı.

Milli.Az

İllik 14.5%-dən 30 000 manat zaminsiz komissiyasız kredit

Şərh yaz:

1 Şərh:

  • Anonim
    asi · 28 May 09:4430

    Respublika süquta uğramadı, azadlıq sevər Azərbaycan xalqının qəlbində yaşadı..70 il ərzində sovet cəlladları millətin azadlıq sevdalılarına qarşı represiyalar etsələr də yenə də azad olmaq istəyənlərə qalib gələ bilmədilər..Azadlıq bizim millətin genindədir, qanındadır..Biz tarix boyu imperiyalar quran soydan bu günə gəlmişik..Bu gün bizi həm şimalda, həm cənubda gözü götürməyən düşmən özü əsrlərlə bizim soy-kökün qılıncı altda yaşayıb və indi həmin qorxudur, onlara rahatlıq verməyən..Azadlıq istəyini məhv etmək olsaydı, bunu iran adlı şeytan dövləti 200 il ərzində edərdi..Amma indi də güneyli soydaşlarımız öz azadlıqları uğrunda can verir..200 ilə öldürülə bilinməyən istək 70 ilə neçə öldürülərdi??..Hamının bayramı mübarək...

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics