Avropa Azərbaycan Məktəbi: Britaniya Şurası və Azərbaycan Müəllim İnkişaf Mərkəzi arasında IELTS qeydiyyatına dair tərəfdaşlıq Sazişi imzalanıb - VİDEO - FOTO

Dünən Britaniya Şurası və Azərbaycan Müəllimlərin İnkişafı Mərkəzi (AMİM) arasında IELTS imtahanlarının hazırlanması və təşkili sahəsində əməkdaşlığa əsaslanan strateji tərəfdaşlıq üzrə saziş imzalanıb.

AMİM-in inzibati binasında keçirilən imzalanma mərasimində Avropa Azərbaycan Məktəbinin direktoru Dr. Françesko Bançini, Britaniya Şurasının Azərbaycan üzrə direktoru cənab Fransis Qardener-Trexo, təhsil prosesi ilə məşğul olan dövlət qurumlarının, Universitetlərin və KİV nümayəndələri iştirak etdilər.

Anlaşma memorandumu IELTS imtahanlarının təşkilində keyfiyyətin təminatı sahəsində təcrübə mübadiləsində iki qurumun əməkdaşlıq prinsiplərini əks etdirir ki, buda öz növbəsində  AMİM-ın gələcəkdə rəsmi imtahan mərkəzinə çevrilməsinə zəmin yarada bilər. 

İmzalanma mərasimində Avropa Azərbaycan Məktəbinin direktoru Dr. Françesko Bançini qeyd etdi ki,  rəsmi IELTS qeydiyyat tərəfdaşı statusu AMİM-in Britaniya Şurası ilə birlikdə təşkil edəcəyi təlimlərdə və sınaq imtahanlarında iştirak etməklə AAM-ın tələbələrinə ingilis dili biliklərini təkmilləşdirmək üçün daha yaxşı imkan yaradacaqdır.

Britaniya Şurasının Azərbaycan üzrə direktoru cənab Frensis Qardener-Trexo öz növbəsində vurğuladı ki: "Britaniya Şurası xidmətlərini genişləndirməkdən və Avropa Azərbaycan Məktəbi kimi Azərbaycanın aparıcı təhsil müəssisələri ilə əməkdaşlıq qurmaqdan məmnundur. IELTS üzrə tərəfdaşlığımız indi daha çox tələbəyə fayda verəcək və bu da öz növbəsində Azərbaycan gənclərinin gələcək karyera imkanlarını genişləndirəcəkdir.

Britaniya Şurası  Azərbaycanda 1993-cü ildə fəaliyyətə başlamışdır. Biz hər il Azərbaycanda minlərlə tələbə, təhsil işçisi, siyasətçi, alim, tədqiqatçı, təşəbbüskar və sahibkarla əlaqələr qururuq. Bizim fəaliyyətimizin əsas məqsədi ingilis dilinin tədrisi və öyrənilməsi standartlarını təkmilləşdirmək vasitəsi ilə gənclər üçün imkanların yaradılması, və beynəlxalq səviyyədə tanınmış Böyük Britaniya imtahanları vasitəsilə  Böyük Britaniyanın Azərbaycanın  iqtisadiyyatın inkişafı üçün seçilən tərəfdaş kimi mövqeyləndirilməsidir. "

AMİM-in rəhbəri xanım Rəksanə Məmmədova göstərilən dəstəyə görə bütün tərəfdaşlara  minnətdarlığını bildirdi. Xanım Məmmədova qeyd etdi ki, hazırda  pandemiya  səngimək üzrədir və bunu nəzərə alaraq AMİM öz fəaliyyətini tam miqyasda bərpa etməyi planlaşdırır və Britaniya Şurası ilə müqavilənin imzalanması AMİM-nin bütün maraqlı müştərilərə keyfiyyətli təhsil xidmətləri göstərmək potensialını daha da artıracaqdır.

2014-cü ilin iyun ayında yaradılmış Azərbaycan Müəllim İnkişafı Mərkəzi yerli müəllimlər üçün müasir təhsil metodları üzrə təlimlər təklif edir. AMİM-in təlimçiləri  yüksək təhsilli və təşəbbüskar, habelə müasir  pedaqogika və təhsil təcrübələrinə malik mütəxəsislərdir. 

Azərbaycan Müəllim İnkişafı Mərkəzinin missiyası tədris və öyrənmənin elmi və sənəti sahəsində tədqiqatların aparılması, cəlbedici və məzmunlu pedaqoji yanaşmaların tətbiqi, texnologiyadan səmərəli istifadəsi və təhlillər vasitəsilə təhsil işçilərinin peşə bacarıqlarını zənginləşdirməkdən habelə məktəb rəhbərliyinin və təhsil siyasətinin inkişafına töhfə verməkdən ibarətdir.

Yanvar ayında Avropa Azərbaycan Məktəbinin əldə etdiyi önəmli nailiyyətlərdən biri də ISC Research tərəfindən Beynəlxalq Məktəb Mükafatı oldu.