Cəmiyyət

Bakıda avtobusa minənlərin 38 %-i ayda 500 manatdan çox qazanmır

30 Noyabr 2021 14:19
5 Şərh     Baxış: 965

Sosial Tədqiqatlar Mərkəzi (STM) Bakıda nəqliyyatdan istifadə ilə bağlı vətəndaş rəyini öyrənib.

Milli.Az report-a istinadən xəbər verir ki, bu məqsədlə əhali arasında telefon sorğusu keçirib.

Sorğuda 1 254 respondent iştirak edib. Əminlik intervalı 95%, statistik xəta əmsalı isə 2,8% təşkil edib.

Sorğuda iştirak edənlərin 793 nəfəri avtobusdan, 461-i nəfəri isə müntəzəm olaraq şəxsi minik avtomobilindən istifadə edir.

Avtobus istifadəçilərinin 26,7%-i Bakı Nəqliyyat Agentliyinə məxsus "BakuBus" MMC, 73,3%-i isə digər şirkətlərin idarə etdiyi avtobuslardan istifadə edir. Avtobus istifadəçilərinin mütləq əksəriyyəti (97%-i) getdikləri ünvana çatmaq üçün 1 və yaxud 2 avtobusa minir.

Avtobusdan intensiv qaydada istifadə edən 793 respondentin 50,6%-i avtobusdan hər gün, 49,4% isə həftədə bir neçə dəfə istifadə edir. Onların arasında müxtəlif tezliklərlə sifarişlə taksidən istifadə edənlərin çəkisi 73,2% təşkil edib. Müntəzəm olaraq şəxsi avtomobil sürən 461 respondentin təxminən 5,2%-i və 7,4%-i müvafiq olaraq həftədə bir neçə gün avtobusdan və sifarişlə taksidən istifadə edir.

Avtobus istifadəçilərinin əsas hissəsi aylıq gəlir səviyyəsi 251-500 manat aralığında olanlardır (37,5%). Əsasən bu nəqliyyat vasitəsindən istifadə edənlərin 48,2%-i işləyir, 27,7%-i iş axtarmır, 6,8%-i isə tələbədir. Avtobusdan istifadə edənlərin 70,9%-i isə qadınlardır.

18-25 yaş aralığında olanların 39,7%-i, aylıq gəlir səviyyəsi 251-500 manat aralığında olanların isə 44,2%-i avtobusdan hər gün istifadə edir. Aylıq gəlir səviyyəsi 1 000 manatdan yuxarı olanların isə hər on nəfərindən biri (9,7%) bu tezlikdə avtobusu seçir. Heç bir halda avtobusdan istifadə etmədiyini deyən 375 respondentin üçdə bir hissəsi (31,5%) aylıq gəlir səviyyəsi 1 000 manatdan yuxarı olanlardır.

Milli.Az

35 000 AZN-dək krediti ONLAYN sifariş et!

Şərh yaz:

5 Şərh:

  • Anonim
    Sumqayıt · 30 Noyabr 2021 14:3931

    Avtobuslarda gediş haqqı bahadır, yanacağın qiymətini hər dəfə qaldırırlar, qiymətlərin artması avtomobillərə aid olmalıdır, avtobuslara şamil edilməməlidir, bununla da insanları düşünmüş olarsınız, həm də avtobusla getmək sərf etdiyi üçün yollarda avtomobillərin sayında az da olsa, azalma olar, nəticədə tıxac azalar..Bunun üçün də nəqliyyat sahibkarlardan alınıb, dövlətə verilməlidir,belə olan halda avtobus sürücüləri də daha diqqətli olar, qəzalar azalar, narkomanlara sükan verilməz..

    Cavab yaz
    • Anonim
      ¿ · 30 Noyabr 2021 16:5304

      Sükanı narkomanlara veriblər ki ?

      Cavab yaz
      • Anonim
        Başıaşağı suala · 30 Noyabr 2021 19:2310

        Azmı olub ki, filan marşurut qəza törətdi, araşdırılandan sonra məlum olur ki, avtobusu idarə edən narkotik aludəçisidir..Azmı sosial şəbəkələrdə görmüşük ki, avtobus sürücüsünün nəşə çəkən yerdə şəklinin çəkilməsini və s..Ümumiyyətlə, sən hansı planetdə yaşayırsan??

        Cavab yaz
      • Anonim
        16 53 · 30 Noyabr 2021 22:4700

        Mənasız şərh yazmaq yerinə gir 1000103 nömrəli xəbəri oxu, narkotik təsiri altında avtobus idarə edən 3 sürücü saxlanılıb..Sonra şərh yaz..

        Cavab yaz
  • Anonim
    Seid · 30 Noyabr 2021 17:0211

    Hormetli MILLI az siz MARSDAN dushubsuznuz? Bakida 500 manat alan insanlarlar avtobusa minmeyi bele xerc sayirlar. onlar kasibliq xettinden ashagi yashayirlar.

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.