Şou-biznes

Şvartsneggerin evi satışa çıxarılıb - FOTO

25 Noyabr 2021 12:14
0 Şərh     Baxış: 838

Kaliforniyada vaxtı ilə amerikalı aktyor və ştatın keçmiş qubernatoru Arnold Şvartsneggerə  məxsus olan ev satışa çıxarılıb. Hollivud ulduzunun həyat yoldaşı Mariya Şrayverlə birlikdə yaşadığı malikanənin qiyməti 11 milyon dollar (18.7 milyon manat) qiymətləndirilib.

Milli.Az Oxu.az-a istinadən xəbər verir ki, Şvartsnegger və Şrayver evə 1986-2013-cü illərdə sahib olublar. Orada dörd uşaq böyüdüblər. Malikanə 2013-cü ildə ər-arvad boşandıqdan sonra satılıb. Alıcı 1963-cü ildə öldürülən ABŞ prezidenti Con Kennedinin qardaşı Robert Kennedinin oğlu Maksvell Kennedi idi. Həmin vaxt sövdələşmə 12,9 milyon dollar (21,9 milyon manat) təşkil etmişdi.

İndi isə Kennedi və arvadı evi daha ucuz qiymətə satırlar.

388 metrlik kottec 1981-ci ildə tikilib və beş yataq otağı, altı vanna otağı, üç kamin, böyük mətbəx və qonaq otağı var. Həyətyanı ərazidə hovuz və tennis kortu var.

Bir çox Hollivud məşhurları, o cümlədən rejissor Stiven Spilberq, aktyorlar Tom Henks, Ben Afflek və Mett Deymon müxtəlif vaxtlarda qonşuluqda yaşayıblar.

Milli.Az

Məqaləyə dair fotomateriallar:

35 000 AZN-dək krediti ONLAYN sifariş et!

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.