Şou-biznes

Xumardan daha bir möhtəşəm əsər - “Gel gör beni aşk neyledi” - VİDEO

14 Sentyabr 2021 13:24

1 Şərh Baxış: 2 000

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #VİDEO

Xumar Qədimova yaradıcılığında klassik poeziya nümunələrinə bəstələnən əsərlər xüsusi yer tutur. Buna misal kimi İmadəddin Nəsimi, Almas İldırım, Hüseyn Cavid, Mikayıl Müşfiq, Məmməd Araz, Xəlil Rza və Nazim Hikmətin adlarını çəkmək olar.

Milli.Az axşam.az-a istinadən xəbər verir ki, əməkdar artist bu silsilədən olan Yunus Əmrənin "Gel gör beni aşk neyledi" mahnısını sevənlərilə bölüşüb.

"Azərbaycan klassikləri kimi, türk klassiklərinə də sevgim böyükdür. Bu mahnını illər əvvəl oxumuşam, Türkiyədəki konsertimdə də ifa etmişəm. Çoxdanki arzum idi sevənlərimlə, dinləyicilərimlə də bölüşüm, nəhayət təqdim etdim. Yunus Əmrənin digər bir şeirinə də mahnı bəstələmişəm. Onu da yaxınlarda təqdim etməyi düşünürəm"- deyə Qədimova bildirib.

Qeyd edək ki, Türk dili və mədəniyyətinin təməl daşlarından biri olan Yunus Əmrənin vəfatının 700 illiyi ilə əlaqədar 2021-ci il UNESCO tərəfindən "Yunus Əmrə və Türk Dili İli" elan olunub.

Milli.Az