Şou-biznes

“Aygün Kazımova kimi evimi satıb konsert verə bilmərəm”

13 Sentyabr 2021 12:10
1 Şərh     Baxış: 2 201

"İlk məhəbbətim gec olub. Davidin (üçüncü övladı-red.) atasında əsl məhəbbəti hiss etmişəm, onunla da bitib. Ondan əvvəlkiləri isə sevgi bilmişəm, amma elə deyilmiş. Deyirlər ki, insan gənc yaşında ailə qurmalıdır. Bu fikir yanlışdır. Kimisə görüb bəyənibsə, o demək deyil ki, həmin şəxsi sevir. Hər hansısa bir münasibətdə etibar yoxdursa, orada heç nə ola bilməz".

Milli.Az qafqazinfo-ya istinadən xəbər verir ki, bu sözləri müğənni Nura Suri ARB TV-də yayımlanan "Özəl" proqramında deyib. O, şəxsi həyatı, yaradıcılığı, ətrafında baş verən neqativ hallardan söz açıb:

"İnsanlar robotlaşıb. Hisslər keçib arxa plana... Maddiyata bağlı olublar, insanlara xeyir güdmək üçün yanaşırlar. Kiminsə yanında əyilirlər, əzilirlər, yaltaqlanırlar. Heç öz ailəsinə, anasına, övladına bu cür hörmət qoymur. Mən bunları qəbul edə bilmirəm. İnsanı özündən başqa heç kəs yaxşı tanımır. İnsan özünə hörmət qoymalıdır. İnsanlar var ki, öz həyatını qurmaq üçün hər vasitədən istifadə edirlər. Uşaqlıqdan bu günə kimi formalaşan bir xüsusiyyətim var. Sözün düzünü deyirəm, düşmən qazanıram. Özümə hörmətim var, buna görə də gecələr rahat yata bilirəm".

Nura Xalq artisti Aygün Kazımova kimi fədakar olmadığını vurğulayıb: "Müğənni olmamışdan əvvəl şou-biznes üzvləri ilə dostluq edirdim. Çünki ortaq dostlarım var. Sənətə gəldikdən sonra onların mənə münasibəti dəyişdi. Bu sənətə hobbi kimi baxıram. Aygün Kazımova kimi hər şeyimi sənətə qurban verə bilmərəm. Borca girmərəm, evimi satıb konsert verə bilmərəm. Öz pulum, imkanım ilə sənətə gəlmişəm. Bilsəydim ki, istedadım yoxdur, bu aləmə girməzdim". 

Milli.Az

Şərh yaz:

1 Şərh:

  • Anonim
    izleyici · 13 Sentyabr 13:2511

    gündem yaratmaq üçün hemişeki kimi hedef kazımova

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.