Şou-biznes

Plastik əməliyyatla dəyişilən yerli tanınmışlar - FOTO

31 İyul 2021 02:33

1 Şərh Baxış: 3 402

VTB-də minimal faiz dərəcəsi ilə nağd kredit 9.9%-dən

#ŞOU-BİZNES

Son vaxtlar plastik əməliyyat etdirən məşhurların sayı daha da artıb. Əksəriyyəti bıçaq altına yataraq tək burun, liposaksiya etdirməklə kifayətlənmir. Bir çoxları estetik proseduralarla bütün bədən və üz quruluşunu dəyişdirir.

Milli.Az axşam.az-a istinadən xəbər verir ki, plastik əməliyyatın tamamilə dəyişdiyi məşhurları təqdim edir:

Əməkdar artist Lalə Məmmədova son günlər görünüşündəki dəyişikliklə gündəmdən düşmür. Müğənni ilk əvvəl burnuna plastik əməliyyat etdirib. Daha sonra isə o, saç rəngini dəyişdirib. İfaçı saçını gah tünd rəngə boyatdı, gah da saraltdı. İzləyiciləri L.Məmmədovanı hər dəfə bu dəyişikliyə görə tənqid etsələr də, ifaçı özünü indi daha çox bəyəndiyini bildirib.

Rəqqasə Fatimə Fətəliyeva da son günlər dəyişikliklərlə diqqət çəkib. Müğənni əvvəlcə liposaksiya etdirərək, artıq çəkidən xilas olub. Daha sonra qaşlarını qaldıraraq, üzündə bir çox müdaxilələr etdirib. Sonda isə Fatimə saç rəngini dəyişərək yeni görünüş alıb.

Aparıcı Zümrüd Bədəlova da son vaxtlar görünüşündə xeyli dəyişikliklər edib. belə ki, o, əməliyyatla qaşlarını qaldırtdırıb, üzündə kosmetoloji proseduralar etdirib. Zümrüd eyni zamanda liposaksiyaya da müraciət edib.

Xalq artisti Aygün Kazımova illərlə müxtəlif plastik əməliyyatlar etdirib. Sənətçi üz, bədən nahiyələrindəki dəyişikliklərə görə dəfələrlə bıçaq altına yatıb. Son günlər də Kazımova saç düzümlərində tez-tez dəyişiklik etməsi ilə gündəmə gəlir.

Müğənni Xatun Əliyeva da plastik əməliyyat etdirənlər siyahısındadır. Sənətçi həm bədənşəkilləndirmə əməliyyatı etdirib, həm də rinoplastika. Burnunu kiçiltdirən Xatun üzündə də kosmetoloji proseduralar edib.

Milli.Az