Şou-biznes

"Ürəyimdə o qədər gizli eşqlər olub ki..."

28 İyul 2021 19:48
2 Şərh     Baxış: 1 421

"Kişilərin sevdiyi, seçdiyi xanımam. Çox təkliflər olub, amma özümə qadağa qoymuşam. Hər zaman kişi tərəfindən sevilib-seçilən qadın olmuşam. Onu da öz hörmətimlə qazanmışam. Xoşbəxt olmayan ailə tablosu və gizli eşq arasında seçimdə qalsaydım, gizli eşqi seçərdim.  Ürəyimdə o qədər gizli eşqlər olub ki... Amma özümdə saxlamışam, üzə vurmamışam. İlk dəfədir etiraf edirəm, düz gözünün içinə baxmışam. Yanımda olan kişi ağıllı, savadlı olmalıdır ki, mən bildiklərimdən də artıq öyrənim. Mənim üçün maddiyyat önəmli deyil. Əsas sevgidir".

Milli.Az axşam.az-a istinadən xəbər verir ki, bu sözləri Əməkdar artist Nahidə Orucova "Üzə düz" proqramında deyib. Aktrisa şəxsi həyatından, sevgidən danışıb:

"Düzdür, yoldaşımla eyni sənətdə olmuşuq, çiyin-çiyinə çalışmışıq, amma bu gün bir yerdə deyilik. Yəqin ki, biz bir-birimizi başa düşmədik.

N.Orucova arıqlamağı, görünüşündəki dəyişiklikdən söz açıb:

"Xarici görünüşümdə anidən bir dəyişiklik oldu, bu mənim sağlamlığım ilə bağlı idi. Mədə əməliyyatı keçirtdim. Hər şeyi yeyə bilmirdim, çox ağrılarım var idi. Əməliyyatdan sonra başqa imic aldım. Əvvəl milli, indi avropa tipli qadın oldum. Nəyi pisdir ki? Amma görünüş dəyişəndən sonra mənə obraz təklifi gəlmir nədənsə. Burdan üzümü rejissor, ssnearistlərə tuturam ki, xahiş edirəm ki, mənə görə obraz yaradın, oynamaq istəyirəm.

Fikrimcə, hər bir kanalda aktyora qonorar verilməlidir. Dünənki aktyorla, bugünkü arasında fərq olmalıdır. O fərq yoxdur. Dünən gələn aktyor deyir ki, baxışım yoxdur. Amma köhnə sənətkarlar illərdir səhnədədir. Baxışları azdırsa, onlara dəyər verilməməlidir? Bu gün də özümə sənətkar demirəm, mən sənətkarlar görmüşəm, onların əziyyətini. Yaxşı aktyor olmamağa bizim ixtiyarımız yoxdur".

Milli.Az

Şərh yaz:

2 Şərh:

  • Anonim
    Kəpənək · 29 İyul 08:5110

    Nə çox tərifləyir özünü

    Cavab yaz
  • Anonim
    Azura · 29 İyul 08:5410

    Puahh ətin tökülsün.))

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.