Şou-biznes

Fitrə zəkatının çıxarılma vaxtı açıqlandı

12 May 2021 17:11
Baxış: 4 874

"Bayram axşamı ayın çıxdığı məlum olan kimi - axşam azanından (bu gün - ölkə.az) sonra fitrə zəkatı ayrılır və yaxşı olar ki, bayram günü saat 8.00 - 9.00-a qədər çatdırılsın. İmkan olmazsa, günorta namazına qədər, o da olmazsa, axşama qədər fitrə zəkatı çıxarılmalıdır".

Milli.Az big.az-a istinadən bildirir ki, bunu Qafqaz Müsəlmanları İdarəsinin (QMİ) rəsmi nümayəndəsi, "Məşədi Dadaş" məscdinin axundu, ilahiyyatçı Hacı Şahin Həsənli deyib.

Din xadimi bildirib ki, fitrə zəkatı nə qədər tez çıxarılarsa, bir o qədər yaxşıdır: "Çünki bu, bayram süfrəsi üçündür. Ona görə də, aztəminatlı ailələrə vaxtında çatdırılsa yaxşı olar".

İlahiyyatçı fitrə zəkatının məbləğinin nə qədər olduğunu da açıqlayıb:

"Şəriətimizə əsasən, 3 kq arpa, buğda, un, düyü, kişmiş, xurma - bu ərzaqlar və ya adıçəkilən ərzaqlar dəyərində pul vəsaiti - təxminən 5-10 manat hər ailə üzvünün adından çıxarılmalıdır".

Ş.Həsənli həmçinin vurğulayıb ki, məbləğ müəyyən olunubsa, ondan artıq vermək olmaz deyə bir hökm yoxdur: "Ümumiyyətlə, imkanlı insanlar öz ətrafında olan yoxsul və ehtiyaclı insanlara bacardıqları qədər çox fitrə zəkatı ödəməlidirlər. Yəni məbləğ müəyyən olunubsa, ondan artıq vermək olmaz deyə bir hökm yoxdur. Bu həm də Ramazan ayının fəlsəfəsi ilə əlaqədar məsələdir. Bu ayda oruc tutarkən insan başqalarını düşünməyə başlayır".

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.