Şou-biznes

“Eurovision” təmsilçimiz peyvənd olundu

5 Aprel 2021 15:44

Baxış: 737

#ŞOU-BİZNES

"Tarixi çox sevirəm. Kleopatra və Mata Hari kimi güclü qadınlara heyranam və ilham alıram. 2021-ci ildə seçimlər arasında çox mahnı var idi, amma müsabiqədə "Mata Hari" mahnısı ilə çıxış etməyi çox istəyirdim. Bu parçanın peşəkar musiqiçilərdən ibarət fokus qrupu tərəfindən seçilməsinə sevindim".

Milli.Az qafqazinfo-ya istinadən xəbər verir ki, bu sözləri Azərbaycanı bu il "Eurovision"da təmsil edən müğənni Samirə Əfəndi "Fatehin divanı" proqramına qonaq olarkən deyib.

29 yaşlı sənətçi qeyd edib ki, 6 ildən sonra "Eurovision" səhnəsinə çıxacaq: "Çox insanın Mata Hari haqqında məlumat əldə etməsi, hekayə və mənimlə maraqlanmaları çox xoşdur. Ancaq bir casus ola bilməzdim, belə bacarığım yoxdur. Bundan əlavə, bek-vokalların Azərbaycan dilində olan frazaları özüm oxumuşam. Bu günə kimi Azərbaycan dilində bir cümlə belə olmayıb. İndi qoy dilimizi bilsinlər".

Həmçinin, Samirə Niderland səfəri ərəfəsində ona vaksin vurulduğunu bildirib: "İki dəfə peyvənd olunmuşam".

Milli.Az