Şou-biznes

Məryəm Şabanova: "Tamaşaçıların əksəriyyəti daha çox məni dəstəkləyirdi"

8 Mart 2010 15:06

Baxış: 789

VTB-də yüksək depozit faizleri daha çox qazandırır

#NORWAY

Müsabiqənin keçiriləcəyi məkana, Oslo şəhərinə Səfurə Əlizadənin gedəcəyi artıq hamıya bəlli olsa da, Məryəm xanımın yaradıcılığına olan maraq hələ də qalmaqdadır.

Gənc müğənni final müsabiqəsinin keçirildiyi səhnədən təbəssümlə endiyini vurğulayıb: "Müsabiqədə bir qalib olur, buna görə də haqlı, ya haqsız məbluğ olmağına normal yanaşmağı bacarmalısan. Təbii, qalib olmaq üçün çox əziyyət çəkmişdim. Amma qismət deyilmiş. Hərçənd hadisələrin gedişatı mənim, o cümlədən "Milk & Kisses" qrupunun pərəstişkarlarının daha çox olduğunu göstərdi. Hər bir finalçıya 25 bilet verilmişdi. Amma final konsertinə gələn tamaşaçıların əksəriyyəti daha çox məni və "Milk & Kisses" qrupunu dəstəkləyirdilər. Hətta jurnalistlər, internet forumlarında isə adi vətəndaşlar bununla bağlı öz mövqelərini açıq şəkildə bildirdilər. Qalib gəlməsəm də, müsabiqəyə qatılmağıma əsla peşman deyiləm. Hər bir müsabiqə yeni tanışlıqlar, təcrübə, bir sözlə, faydalı anlar qazandırır. Ümumiyyətlə, mən heç vaxt neqativi özümə yaxın buraxmıram".

Məryəm xanım yaradıcılıq planlarından da danışıb: "Hazırda ilk albomum üzərində işləyirəm. Mənə mahnı təklif edənlər çoxdur, onlar arasında hətta xarici bəstəkarlar da var. Repertuarımda öz yazdığım mahnılar da olacaq. Adətən bir neçə üslubu - pop, rok, soul-blyuz və cazı sintez etsəm də, mahnılarımda milli koloritin olmasına da çalışacağam".

Mia.az