Şou-biznes

Aygün Kazımova yeni eşqindən danışdı - YENİLƏNİB - FOTO

29 Sentyabr 2014 11:33

22 Şərh Baxış: 9 991

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #POPULYAR XƏBƏRLƏR #FOTOREPORTAJLAR #FOTOSESSİYA

11:33

Xalq artisti Aygün Kazımova ötən gün şəxsi həyatı ilə bağlı yayılan xəbərlərə aydınlıq gətirib.

Axşam.az-a açıqlama verən müğənni məmur oğlu ilə eşq yaşaması məlumatını təsdiqləyərək bunları bildirib:

"Bu xəbərlər doğrudur. Fikrətlə bir müddətdir sevgiliyik. Hətta evlilik təklifi də almışam. Amma mən bu addımı atmaqdan qorxuram. Ailə ciddi məsələdir. Bir anda verilən qərar deyil. Qorxuram ki, ailə qurarıq, sabah deyər ki, sənəti at. Hər işimə müdaxilə edər. Bunu qəbul edə bilmərəm. Fikrət çox qısqancdır. Məni izləyir. Hətta sənət dostlarıma, yaxınlarıma, sənətimə, sevənlərimə də qısqanır. Bununla bağlı aramızda ciddi söhbət də olub. Ona izah etdim ki, mənim sənət dostlarımla münasibətlərim normaldır. Mən müğənniyəm, bu cür hallara alışmalıdır. Fikrət çox məşğul insandır, hər zaman yanımda ola bilmir. Səfərlərə çıxır. Amma telefonla daim əlaqə saxlayırıq. Onu mənimlə birlikdə konsertlərimdə, hansısa məclisdə görə bilməyəcəksiniz".

A.Kazımova çox xoşbəxt olduğunu söyləyib:

"Sevilirəm və sevirəm. Çox xoşbəxtəm. Hazırda Fikrət İstanbuldadır. Allahdan bu xoşbəxtliyimin sonacan olmasını diləyirəm. Bu, mənim şəxsi həyatımdır. Onun gündəmə çox gəlməsini istəmirdim. Amma mən heç vaxt sevənlərimi və media nümayəndələrini incitməmişəm, onların suallarını cavabsız qoymamışam. Buna görə də, yenə sirlərimi sizinlə bölüşdüm".

---------
10:14

Azərbaycanın xalq artisti Aygün Kazımova yenə diqqət mərkəzindədir. Müğənni Namiq Qaraçuxurludan ayrılandan sonra o, yaranmış stereotiplərə rəğmən aktiv yaşama davam edib. Yeni mahnılar, qalmaqallardan uzaq durmaq, intriqalara sinə gərmək - Aygün Kazımova sənətə üstünlük verdiyini deyirdi.

Son günlərdə isə onun yeni sevgilisi ilə birlikdə olduğu deyilir.

Milli.Az Lady.Day.Az-a istinadən bildirir ki, A.Kazımova olayla, daha doğrusu, iddialarla bağlı açıqlama verib.

"Bu məlumat və şəkillərlə bağlı jurnalistlər mənimlə əlaqə saxlayanda "Çox keçməz, bu barədə danışaram" demişdim. Yenə də sözümün üstündə dururam. Bu şəxsi həyatımla bağlı bir məsələdir.

Amma xasiyyətimi bilirsiniz. Bilirsiniz ki, məni sevənlərdən və jurnalistlərdən heç nəyi gizlətmirəm. Bu şəkil və yazılarla bağlı deyirəm ki, sevirəm və sevilirəm.

Çox xoşbəxtəm. Şükür bu günümüzə - o məni və sənətimi çox sevir. Onun hər dəfə "sənə xəstəyəm!" deməsi məni göyün yeddinci qatına qaldırır. Məncə, bu açıqlamam yetər. Doğrudan da bizim operativ mediaya "bravo" deyirəm", - Aygün Kazımova deyib.

Milli.Az

Böyütmək üçün şəkillərə klikləyin.