Şou-biznes

19 illik ərindən ayrılan Hollivud ulduzu milyarderlə sevgili oldu - (Foto)

14 Avqust 2026 16:15

Baxış: 1 553

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MƏŞHURLAR #HOLLYWOOD #AKTRİSA

20 illik münasibət və 19 illik evlilikdən sonra yollarını ayıran Nikol Kidman və Keyt Urban artıq ayrı həyat yaşayırlar. İddialara görə, ayrılmaq qərarını verən tərəf Urban olub. Keçmiş həyat yoldaşının bu qərardan təsirlənməsinə görə özünü günahkar hiss edən müğənninin Kidmanın yeni münasibətə başlamasından sonra rahatladığı bildirilir.

Milli.Az demokrat.az-a istinadən xəbər verir ki, məlumata görə, Kidmanın milyarder iş adamı Maykl Reynşteyn ilə münasibət yaşaması Urban üçün gözlənilməz olsa da, müğənni qısqanclıq hiss etməyib. Əksinə, yaxın çevrəsinə görə, Urban keçmiş həyat yoldaşının xoşbəxt olduğunu görməkdən məmnundur.

Münasibətlərinin sona çatmasından sonra Urbanın kədər və günahkarlıq hissi ilə mübarizə apardığı iddia edilir. Yaxınları onun Kidmanın həyatına davam etdiyini görməsinin bu hissləri azaltdığını deyiblər.

İddialara əsasən, 2025-ci ilin sentyabrında Urban evdən ayrılıb. Daha sonra Kidman boşanma üçün məhkəməyə müraciət edib. Cütlüyün boşanması 2026-cı ilin yanvarında rəsmiləşib.

Cütlüyün iki qızı - 18 yaşlı Sunday Rose və 15 yaşlı Faith Margaret var.

Kidmanın bir müddətdir "The Regent" şirkətinin qurucusu və USN televiziya şəbəkəsinin həmtəsisçisi kimi təqdim edilən iş adamı Maykl Reynşteyn ilə görüşdüyü bildirilir. İkili ötən ay İtaliyanın Portofino şəhərində birlikdə görüntülənib. Daha sonra Reynşteynın Kidmanı Los-Anceles hava limanından öz "Ferrari"si ilə apardığı da kameraya düşüb.

Bu arada Keyt Urbanın adı da yeni eşq iddialarında hallanıb. Müğənninin 28 yaşlı kantri ifaçısı Karli Skott Kollins ilə münasibətdə olduğu irəli sürülsə də, Kollins bu iddianı təkzib edib.

Müəllif: Tural Hüseyn (Milli.Az redaktor)