Seda Sayan Kadir Ezildinin anasını qınadı

Televiziya ekranlarının sevilən simalarından Seda Sayan son vaxtlar sərt açıqlamaları ilə gündəmə gəlməkdə davam edir.

Milli.Az demokrat.az-a istinadən xəbər verir ki,  bu dəfə o, məşhur aparıcılardan Kadir Ezildinin anasını tənqid edib. Sayan, Ezildinin qardaşı Keremin evlənməsindən sonra boş qalan otağa baxaraq ağlayan anasının davranışını tənqid edib.

Seda Sayanın "Boş otağa baxıb ağlamaq nədir?" sözləri izləyicilərin diqqətini çəkib və sosial şəbəkələrdə geniş müzakirələrə səbəb olub.

Uzun illərdir gördüyü işlərlə adından söz etdirən "Seda Sayan" şəxsi həyatından daha çox açıqlamaları ilə gündəmə gəlir. Xüsusilə "YouTube" kanalında səsləndirdiyi fikirlər şou-biznes gündəminə təsir edir.

Bu dəfə "En Hamarat Benim" proqramının aparıcısı "Kadir Ezildi"nin anası ilə bağlı açıqlaması müzakirələrə səbəb olub. Kadir Ezildinin anası oğlu "Kerem"in evlənməsindən sonra onun boş qalan otağını görərək göz yaşlarını saxlaya bilməyib. Həmin anlar sosial şəbəkələrdə paylaşılaraq diqqət çəkib.

Seda Sayanın həmin hadisə ilə bağlı fikirləri isə yeni müzakirələrə yol açıb. Sosial şəbəkə istifadəçilərinin bir qismi Sayanın fikirlərini haqlı hesab etsə də, digərləri onu tənqid edib.

Seda Sayan Kadir Ezildinin anasının davranışını belə şərh edib:

"Oğlun evlənir, aşağı mərtəbəyə köçür, sən isə boş otağa baxıb ağlayırsan. Buna inanılmaz dərəcədə təəccübləndim. Oğul anaları övladlarından bir cür ayrıla bilmirlər, bu, çox sağlam olmayan bir haldır. Oğullarınız evləndikdən sonra əlinizi onların üzərindən çəkin".

Sayanın açıqlamasından sonra Kadir Ezildinin bu sözlərə necə reaksiya verəcəyi maraq doğurub. Onun sosial şəbəkə hesabları izləyicilər tərəfindən diqqətlə izlənilməyə başlanıb.

Kadir Ezildinin ailə münasibətləri və sosial şəbəkə paylaşımları əvvəllər də Türkiyə şou-biznes gündəmində yer alıb. Bu dəfə isə ailəsi ilə bağlı yaşanan hadisə Seda Sayanın sərt şərhi ilə yenidən gündəmə gəlib.

Müəllif: Tural Hüseyn (Milli.Az redaktor)