Şou-biznes

Cennifer Lopez ad günü vannada qeyd etdi

22 İyul 2026 15:50

Baxış: 1 741

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MƏŞHURLAR #HOLLYWOOD #MÜĞƏNNİ #AKTRİSA

56 yaşlı dünya ulduzu Cennifer Lopez bacısı Linda Lopezin ad gününü qeyd etmək üçün Avropa səyahətinə yollanıb.

Milli.Az xarici mətbuata istinadən xəbər verir ki, məşhur müğənni və aktrisanın sosial şəbəkədə paylaşdığı fotolar izləyicilərin böyük marağına səbəb olub.

Paylaşılan kadrlarda Cennifer Lopezin hamam vannasında əyləşərək ad günü tortundan yediyi, Linda Lopezin isə onun yanında oturaraq bu özəl anı paylaşdığı əks olunub. Səmimi görüntülər qısa zamanda sosial mediada geniş yayılıb.

İyulun 24-də 57 yaşını qeyd edəcək Cennifer Lopez paylaşımında bacısını da təbrik edib. O, "İkiqat ad günü üçün bacı tətili hər zaman əla fikirdir! Səni çox sevirəm, Lynni! Ad günün mübarək!" sözləri ilə Linda Lopezə sevgisini ifadə edib.

Məlumata görə, bacıların Avropa səyahəti Paris Moda Həftəsi və Londonda keçirilən Uimbldon tennis turnirini də əhatə edib. Onlar Fransada məşhur italyan restoranlarından birində birlikdə şam edərək istirahətlərini davam etdiriblər.

Səyahət zamanı seçdikləri dəbli geyimlər də sosial şəbəkə istifadəçilərinin diqqətindən yayınmayıb. Cennifer Lopez və Linda Lopezin fotoları qısa müddətdə minlərlə bəyənmə və çoxsaylı şərhlər toplayıb.

Müəllif: Tural Hüseyn (Milli.Az redaktor)