Şou-biznes

Ofelya Şabanova: "O mahnımın sözlərini ərim yazıb"

15 İyul 2026 10:15

Baxış: 1 982

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MƏŞHURLAR #AİLƏ #MÜĞƏNNİ #ŞOU

Müğənni Ofelya Şabanova "Tağı ilə Xəbər Magazin" verilişində şəxsi həyatı və yaradıcılığı ilə bağlı maraqlı açıqlamalar verib.

Milli.Az-ın məlumatına görə, ifaçı bildirib ki, repertuar seçimində həyat yoldaşının fikri onun üçün xüsusi önəm daşıyır. Ofelya Şabanovanın sözlərinə görə, məşhur "Sevgidə yoxdu qürur" mahnısının ərsəyə gəlməsində də həyat yoldaşının rolu olub.

Sənətçi qeyd edib ki, mahnının sözlərinin bir hissəsini həyat yoldaşı yazıb. Onun sözlərinə görə, əsərin musiqisi və əsas sözləri Azər müəllimə məxsus olsa da, ikinci kuplet həyat yoldaşının təklifi ilə hazırlanıb.

Ofelya Şabanova əlavə edib ki, bu mahnını böyük sevgi ilə ifa edir və əsərin dinləyicilər tərəfindən sevilməsi onu sevindirir.

Müğənni ailə münasibətlərindən də danışaraq bildirib ki, xaraktercə qürurlu insan olsa da, həyat yoldaşına qarşı heç vaxt qürur göstərmir.

Sənətçinin səmimi etirafları sosial şəbəkələrdə maraqla qarşılanıb və izləyicilər arasında müzakirələrə səbəb olub.

Müəllif: Tural Hüseyn (Milli.Az redaktor)