Şou-biznes

Kəmalə Günəşli: "Oğlumdan əl çəkin!"

12 İyun 2026 10:45
Baxış: 2 102
VTB-də minimal faiz dərəcəsi ilə nağd kredit 9.9%-dən
#ŞOU-BİZNES #MƏŞHURLAR #SOSİAL ŞƏBƏKƏLƏR #AİLƏ #MÜĞƏNNİ

Müğənni Kəmalə Günəşli sosial şəbəkədə etdiyi paylaşımla diqqət çəkib.

Milli.Az xəbər verir ki, sənətçi oğlu ilə bağlı yazılan bəzi şərhlərə etiraz edərək narazılığını ifadə edib. Kəmalə Günəşli övladına "yazıq" deyilməsinin onu narahat etdiyini bildirib və bunun üçün heç bir əsas görmədiyini vurğulayıb.

Müğənni qeyd edib ki, övladlarının qayğısına qalır və onların heç nəyə ehtiyacı yoxdur. O, uzun illərdir ictimaiyyət qarşısında olduğunu xatırladaraq, fəaliyyəti dövründə heç vaxt qeyri-etik davranışlarla gündəmə gəlmədiyini deyib.

Kəmalə Günəşli həmçinin ailəsinə və övladlarına böyük zəhmətlə baxdığını, onların bütün ehtiyaclarını qarşıladığını bildirib. Sənətçi övladlarının xoşbəxt və təminatlı şəkildə böyüdüyünü vurğulayıb:

"Oğluma yazıq niyə deyirsiniz? Onun mənim kimi anası var, yazıq niyə olur? Nə istəyirsiniz övladımdan? Yazırlar ki, görəsən oğlu nə deyir. Nə deməlidir ki? Mən nə edirəm ki, oğlum da nəsə desin?

Səhnədə lüt gəzmirəm, söyüş söymürəm, tərbiyəsizlik etmirəm. Neçə ildir efirdəyəm, xalqın gözünün qabağındayam. Bir dənə artıq hərəkətimi görmüsünüz? Bu qədər canlı yayım açmışam, bir dəfə ağzımdan söyüş çıxmayıb. Oğluma da, qızıma da pis baxmıram. Onların hər şeyi var - yeməyi, içməyi, bahalı telefonları. Onları nə zülmlə böyütdüyümü görürlər".

Onun emosional açıqlaması sosial şəbəkələrdə geniş müzakirələrə səbəb olub. İzləyicilər mövzu ilə bağlı fərqli fikirlər səsləndirərək paylaşıma çoxsaylı rəylər yazıblar.

Hüseyn

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.