Şou-biznes

“Akasya Durağı”ndan bezmişəm"

9 İyun 2026 09:45
Baxış: 1 919
VTB-də minimal faiz dərəcəsi ilə nağd kredit 9.9%-dən
#SERİALLAR #MƏŞHURLAR #AKTYOR #TÜRKİYƏ ŞOUBİZNESİ

Türkiyənin məşhur "Akasya Durağı" serialında canlandırdığı "Usman ağa" obrazı ilə tanınan Cezmi Baskın maraqlı açıqlaması ilə diqqət çəkib.

Milli.Az-ın Türkiyə mediasına istinadən məlumatına görə, aktyor bildirib ki, vaxtilə böyük populyarlıq qazanan serial onun ən çox sevdiyi layihələrdən deyil. O, hətta həmin ekran işini unutmaq istədiyi işlərdən biri kimi qiymətləndirib.

Cezmi Baskın son günlər serialın yenidən çəkilməsi ilə bağlı yayılan xəbərləri də şərh edib. Onun sözlərinə görə, layihənin yeni versiyasının hazırlanacağı barədə məlumatlar eşidib, lakin ilk ekranlaşdırmanın yerini heç bir variantın verə bilməyəcəyini düşünür.

Aktyor qeyd edib ki, hər bir uğurlu layihənin öz dövrü və öz ruhu olur, buna görə də orijinal versiya həmişə tamaşaçıların yaddaşında xüsusi yer tutur.

Xatırladaq ki, bir neçə ay əvvəl "Akasya Durağı" serialının yenilənmiş versiyasının "Akasya Durağı Yenidən" adı ilə sentyabr ayında tamaşaçılara təqdim olunacağı açıqlanmışdı. Yeni layihə artıq serialın pərəstişkarları arasında maraqla gözlənilir.

Musa
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.