Şou-biznes

Məşhur aktirisanın evi yanıb KÜL OLDU: "Anam imsaka qalxmasaydı..." - FOTOlar

8 Mart 2026 13:33

Baxış: 1 790

VTB-də minimal faiz dərəcəsi ilə nağd kredit 9.9%-dən

#YANĞIN #MƏŞHURLAR #MODEL #AKTRİSA #TÜRKİYƏ ŞOUBİZNESİ

Türkiyəli aktrisa və model Aslıhan Karalar qorxulu anlar yaşayıb.

Milli.Az xəbər verir ki, onun İstanbulda yerləşən evində gecə saatlarında yanğın baş verib.

Məlumata görə, 2017-ci ildə "Best Model of the World 2017" müsabiqəsinin qalibi olan Karaların ailəsi ilə birlikdə yaşadığı mənzilin mətbəx hissəsində hələlik bilinməyən səbəbdən yanğın çıxıb. Qısa müddətdə alov və qalın tüstü bütün evi bürüyüb.

Xoşbəxtlikdən həmin vaxt ailə üzvlərindən bəziləri oyaq olub və vəziyyəti vaxtında görərək evdən çıxa biliblər. Hadisə yerinə çağırılan yanğınsöndürənlər alovu tez bir zamanda nəzarətə götürərək yanğının bütün binaya yayılmasının qarşısını alıblar.

Yanğından sonra evin xüsusilə mətbəx və qonaq otağı hissəsində ciddi maddi ziyan yarandığı bildirilib. Tüstüdən zəhərlənən ailə üzvləri ehtiyat tədbiri olaraq tibbi müayinədən keçirilib. Aktrisanın vəziyyətinin isə qənaətbəxş olduğu qeyd olunur.

Yanğın zamanı Aslıhan Karalar evdə olan itlərini də xilas etməyə nail olub. Tüstüdən zəhərləndiyi üçün o, xəstəxanaya aparılıb.

Aktrisa hadisə ilə bağlı açıqlamasında bildirib: "Anam sahura qalxmasaydı, bəlkə də biz ölmüşdük. Deməli verilmiş sədəqəmiz var imiş".

Hüseyn
Milli.Az