Şou-biznes

"Ərimə görə ana ola bilmədiyimi illər sonra ÖYRƏNDİM"

26 Noyabr 2025 13:13

Baxış: 5 314

VTB-də minimal faiz dərəcəsi ilə nağd kredit 9.9%-dən

#MƏŞHURLAR #AİLƏ #APARICI #JURNALİST

Jurnalist və aparıcı Afət Rahilqızı "Günə Uğurla" verilişinin qonağı olaraq şəxsi həyatı ilə bağlı ilk dəfə geniş və təsirli etiraflar edib.

Milli.Az-ın məlumatına görə, aparıcı bildirib ki, illər boyunca övlad sahibi ola bilməməsinin səbəbinin özündə olduğunu düşündüyü üçün böyük psixoloji gərginlik yaşayıb.

Lakin sonradan məlum olub ki, problem heç də onda deyilmiş:

"İllər sonra öyrəndim ki, ana ola bilməməyimin səbəbi məndə yox, keçmiş həyat yoldaşımda imiş. Mən ana ola bilərəm", - deyə o, bildirib.

Afət Rahilqızı gözləri dolaraq başına gələnləri belə anladıb:

"Övladım olmadığı üçün qaynanam ailəmi dağıtdı. Müalicə üçün anamın yanına getmişdim, qayıdanda gördüm ki, həyat yoldaşım üçün evə başqa qız gətiriblər. 'Afətdən uşaq olmur, bizə nəvə lazımdır' deyiblər. Mən onu sevmirdim, amma o məni çox sevirdi. Həyatda elə də mübariz biri deyiləm, amma qarşıma məqsəd qoydum ki, işimlə tanınacağam və bir gün bu qərarlarına görə peşman olacaqlar".

Aparıcı əlavə edib ki, keçmiş ailəsinin ona qarşı münasibəti sonradan dəyişsə də, yaşananlar həyatında dərin iz buraxıb:

"Sonradan öyrəndim ki, səbəb onda olub. Mənim üçün çox ağır idi. Həyatımda ciddi bir münasibət arzuladım, dərd ortağı axtardım. İndi sadəcə dostluq münasibətində olduğum biri var. Arzum budur ki, məni sevən birinin çiynində son mənzilə yola salınım".

Afət Rahilqızı həmçinin evində baş vermiş yanğını, keçirdiyi ağır əməliyyatı da xatırladaraq həmin dönəmlərdə özünü "qadın kimi heç kimə lazım olmayan biri" kimi hiss etdiyini vurğulayıb:

"Mən xəyanətlə qarşılaşsam, kənara çəkilərəm. Kimisə üz-üzə gətirmək, mübahisə etmək mənlik deyil".

Aparıcının səmimi etirafları sosial şəbəkələrdə geniş müzakirə yaradıb.

Musa
Milli.Az