Şou-biznes

"Atam dedi ki, hansısa kişinin çənəsinə, dodağına baxsan..."

12 Noyabr 2025 19:41
Baxış: 1 814
VTB-də minimal faiz dərəcəsi ilə nağd kredit 9.9%-dən
#ŞOU-BİZNES #MƏŞHURLAR #AİLƏ #ŞOU #MEYXANA

Tanınmış meyxanaçı Zarina Buzovnalı maraqlı açıqlaması ilə diqqət çəkib.

Milli.Az xəbər verir ki, o, atasının sənətə başlamazdan əvvəl qoyduğu şərti açıqlayıb.

Söz ustası atasının sənətə qədəm qoyarkən ona dediyi və illər sonra mənasını dərk etdiyi şərtdən danışıb.

Sənətçi bildirib ki, atası ona kişi məclislərində davranışı ilə bağlı ciddi xəbərdarlıq edib:

"Atam demişdi ki, nə vaxtsa hansısa məclisdə bir kişinin çənəsinə, dodağına baxsan, haqqımı sənə halal etmərəm. O vaxt bu sözlərin mənasını tam anlamırdım."

Zarina illər sonra mərhum meyxanaçı Vüqar Biləcəri ilə söhbəti zamanı həmin nəsihətin dərin mənasını anladığını deyib:

"Vüqardan soruşanda dedi ki, yəni heç bir kişinin qarşısında başını aşağı salma, gözün kölgəli olmasın".

Meyxanaçı əlavə edib ki, qadın kimi hər zaman incə davranmağa çalışsa da, şərəfini və prinsiplərini heç vaxt güzəştə getməyib:

"Mən Allahın yaratdığı qadınam, əqidəm, atamın verdiyi adım və namusum var. Bunları kənara atsam, mən kim olaram?"

Onun bu sözləri sosial şəbəkələrdə geniş müzakirə yaradıb və bir çox izləyicilər tərəfindən təqdirlə qarşılanıb.

Musa
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.