Şou-biznes

"Atam ağlayırdı, anam keyimişdi, mən isə qəh-qəhə atıram"

4 Oktyabr 2025 14:51

Baxış: 528

VTB-də yüksək depozit faizleri daha çox qazandırır

#ŞOU-BİZNES #HADİSƏ #MƏŞHURLAR #AİLƏ #ŞOU

Şairə Nazilə Səfərli ölümlə üz-üzə qaldığı anlardan danışdı.

Milli.Az xəbər verir ki, "Günə uğurla" verilişdə qonaq olan sənətçi həmin təhlükəli anları belə yada salıb.

"Mən elə böyük bəladan, ölümdən qurtarmışam ki... Atamla anamı gəzməyə aparmışdım. Öyrənmişdim ki, bizim kənddən Qarsa 3 saat yarımlıq yol varmış. Yolu tanımırdım, o vaxt qaçaqlar gedirdi. Soruşaraq yola davam etdim. Elə idi ki, təkər buraxsa, yolda qalacaqdın. Heç kim yox idi. Qarsa çatdıq, gözəl qarşılandıq. İki-üç gün orada qaldıq. Qarsdan Ərdahana, oradan da Trabzona doğru irəliləyirəm.

İldırımın göydən gəlib necə düşdüyünü sükan arxasında olanda gördüm. Anama dedim ki, göydən gələn oda bax. Düz üstümə gəlirdi, 3-4 metr kənara düşdü. Çox böyük duman-tüstü çıxdı. Sürətimi saxlamadım keçdim. İki dəqiqə keçdim 30 sm dolu gördük. Çox çətin təbiəti vardı. Üzbəüz gələn maşını vurmamaq üçün ayağımı əyləcdən götürdüm. Elə həmin avtomobili ötürdüm. Gördüm ki, maşın məni aparır, sağım isə 2650 m uçurum idi. Sonradan anam xatırladıb ki, onlara möhkəm durmalarını demişəm. Sükan nəzarətimdən çıxmışdı. Aşağı və yuxarıdan gələn maşın dayanıblar, mən isə yolun ortasında hoqqa verirdim. O ki var fırlanıram. Dediyim sıldırımın düz başında maşını necə döndərmişəm. Yağış saniyədə 3 vedrə yağırdı. Qapını açıb düşmək olmurdu. Atam ağlayırdı. anam isə keyidiyini deyirdi. Yazıqları guya gəzməyə aparmışam. Mən bir qəhqəhə atıram ki, bəlkə şokda olmağımla bağlı idi, ya da bacardığımla".

Musa
Milli.Az