Şou-biznes

“Buratino”nu səsləndirən aktrisa vəfat etdi

3 Oktyabr 2025 20:42
Baxış: 693
VTB-də minimal faiz dərəcəsi ilə nağd kredit 9.9%-dən
#AKTRİSA

Sovet və Rusiya teatr və kino aktrisası Nina Qulyaeva 94 yaşında vəfat edib.

Milli.Az xarici mətbuata istinadən xəbər verir ki, Nina İvanovna Qulyaeva səhnə həyatına 1954-cü ildə başlayıb. O, ilk dəfə Mxat səhnəsində "Anna Karenina" tamaşasında Seryoja obrazını canlandırıb. 1961-ci ildə isə "Üç kök" ("Три толстяка") tamaşasında Suok rolunu ifa edərək teatr tənqidçilərinin böyük rəğbətini qazanıb.

Nina Qulyaeva kinoda çox az çəkilib, çünki teatr onun üçün həmişə birinci yerdə olub. O, "Teleqram", "Çöl sakitliyində" və "Sənin müasirin" filmlərində rol alıb.

Bundan əlavə, o, məşhur "Al qəlpəli yelkənlər" filmində (A. Vertinskaya ilə) Assol obrazını, "Ruslan və Lyudmila" ekranlaşdırmasında isə Lyudmilanı səsləndirib (rolu Natalia Petrova ifa edib). Nina Qulyaeva həmçinin bir çox cizgi filmlərində də personajlara səs verib. Onun səsi 1959-cu ildə "Buratino", 1961-ci ildə isə "Çipollino" cizgi filmlərində səslənib.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.