Şou-biznes

Saxlanılan türkiyəli müğənni ilə bağlı İDDİA: Tanınmışlara narkotik satırmış? - FOTO

18 May 2024 12:36
Baxış: 1 003
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Məşhur türkiyəli müğənni Kalben Sağdıç barəsində aparılan narkotik işi üzrə istintaq prosesində yeni təfərrüat ortaya çıxıb.

Milli.Az oxu.az-a istinadən bildirir ki, Kalbenin xaricdə kokaindən istifadə etdiyi zaman gizli olaraq çəkilmiş videosu İstanbul polisinə göndərilib. Həmçinin müğənninin sənət dünyasında tanınmış bir çox insanı narkotiklə təmin etdiyi iddia olunub.

Xatırladaq ki, İstanbul Polis İdarəsi Narkotiklərlə Mübarizə Şöbəsinin qrupları tərəfindən ötən həftə Kalbenin evinə basqın edilib. Keçirilən əməliyyat çərçivəsində Kalben Sağdıç saxlanılıb.

Onun evində aparılan axtarışlar zamanı 2 000 avro, 730 dollar və 1 500 Türkiyə lirəsi ilə yanaşı üç parça şəklində, ağırlığı 15 qram olan "skunk" tipli narkotik vasitə ələ keçirilib.

Həmçinin Kalbenin evində oyuncaq maşının içində narkotik maddə tapılıb. Eyni zamanda onun içində narkotik olan bir bankanı da eyvandan aşağı atdığı müəyyən edilib.

Müğənni məhkəmə nəzarəti altındadır və onun xaricə çıxışına qadağa qoyulub.

Milli.Az

Xəbərlərimizi WhatsApp kanalımızdan da oxuyun

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.