Şou-biznes

Ölkənin ən varlı adamı oğluna toy etdi, Rihanna sensasiyalı məbləğ qazandı - FOTOlar

2 Mart 2024 17:15
Baxış: 1 281
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Dünya pop səhnəsinin ulduzu Rihanna Hindistanın ən varlı adamı Mukeş Ambaninin oğlu Anant Ambaninin toy öncəsi məclisi üçün Camnaqara gəlib.

Milli.Az bizim.media-ya istinadən bildirir ki, məclis 120 milyon funt sterlinqə (təxminən 257 milyon manat) başa gəlib.

Təkcə Hindistanın aparıcı beşulduzlu otel qruplarından biri ilə bağlanmış iaşə müqaviləsi təxminən 20 milyon funt sterlinq (təxminən 42,9 milyon manat) təşkil edib.
Rihannanın gecədə çıxışı üçün qonorarı isə 5 milyon funt sterlinq (10,7 milyon manat) təşkil edib.

Qonaq siyahısında Bill Qeyts, Mark Zukerberq və həyat yoldaşı Pristsilla, Kanadanın keçmiş baş naziri Stiven Harper, Avstraliyanın keçmiş baş naziri Kevin Rudd, Disney şirkətinin rəhbəri Bob İqer və İvanka Tramp daxil olmaqla 1200 nəfər olub.

Həmçinin axşam 65 aşpazdan ibarət komanda tərəfindən hazırlanan 2500 yeməyin təqdim ediləcəyi qala-konsert də olacaq. Qonaqlara saç düzümü, makiyaj və "sari draping" xidmətləri, həmçinin Yeni Dehli və Mumbaydan çarter reysləri təklif olunacaq.

Qeyd edək ki, Mukeş Ambaninin sərvəti 111 milyard dollar qiymətləndirilir ki, bu da onu Asiyanın ən varlı adamı və dünyanın 11-ci ən varlı insanı edir. 66 yaşlı maqnat atası Dhirubhai Ambani tərəfindən qurulan "Reliance" konqlomeratını idarə edir. Onun biznesinə neft emalı, pərakəndə satış, telekommunikasiya, qida satışı və rəqəmsal yayım xidmətləri daxildir. 

Milli.Az

Xəbərlərimizi WhatsApp kanalımızdan da oxuyun

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.