Şou-biznes

Oslo meri: "Səfurə fantastik səsə malikdir" – FOTOSESSİYA

21 May 2010 12:10

Baxış: 1 077

VTB-də minimal faiz dərəcəsi ilə nağd kredit 9.9%-dən

#NORWAY

Milli.Az S.Əlizadənin rəsmi saytına istinadən xəbər verir ki, o, mahnı müsabiqəsinin iştirakçıları arasında mer ilə görüşən yeganə təmsilçidir. Səfurə və Azərbaycanın nümayəndə heyətini Oslo Bələdiyyə Binasında qəbul edən Stang bildirib ki, təmsilçimizin səsi onun çox xoşuna gəlir. Merin Səfurənin yarışda ifa edəcəyi mahnıdan da xoşu gəlir. "Səfurə fantastik səsə malikdir. Eşitmişəm ki, 28 May Azərbaycan Müstəqillik Günüdür. Yəqin ki, o, 29 may üçün yaxşı başlanğıcdır!", - deyə Stang bildirib.

Oslo merinə Səfurənin "Eurovision"da promo-turlar üçün hazırlanmış diski və ifaçının adı yazılmış mayka hədiyyə edilib. Görüşün sonunda mer "Drip-drop"u dinləyib və mahnıya reaksiyası belə olub: "Bacarır, mən sizə vuruldum! Bəli, siz bacarırsız!"

Qeyd edək ki, Fabian Stang "Eurovision-2010"da iştirak edəcək 39 ölkə nümayəndəsindən yalnız Səfurə Əlizadə və Azərbaycan nümayəndə heyəti ilə görüşüb.

Milli.Az
________________________________________