Şou-biznes

Afət: Dövran mənimdir, Flora mənə baxıb köks ötürür

27 Dekabr 2023 12:50

Baxış: 1 525

#ŞOU-BİZNES #QALMAQAL #MÜĞƏNNİ #XALQ ARTİSTİ

Müğənni Afət Fərmanqızı ilə Xalq artisti Flora Kərimova arasındakı qalmaqal səngimək bilmir.

Milli.Az yenisabah.az-a istinadən xəbər verir ki, bir neçə gün öncə efirlərin birində qonaq olan Xalq artistinin bu mövzunu yenidən gündəmə gətirməsi ilə müzakirələr yenidən alovlanıb.

Afət Fərmanqızı Xalq artistinin ona həsəd apardığını, məhz buna görə sözügedən qalmaqalı davamlı olaraq gündəmə gətirdiyini deyib:

"Afət ailə qurub, ərə gedib və gəlib Rusiyaya. Flora Kərimova da mən gedəndən sonra məni məhkəməyə verib ki, camaata desin ki, Afət mənə görə çıxıb getdi. Onun məhkəməyə vermədiyi adam qalmayıb. Onda belə çıxır ki, məhkəməyə verdiyi hər adam ölkədən çıxıb gedir?! Burada ölüm-itim yoxdur, sadəcə iki arvadın davasıdır. Özünü deyəsən, böyük adam zənn edir...

Məhkəməyə verdiyi hamı ona qalib gəlib, inşallah, mən də gələrəm. Mənim üçün hava xoşdur, orada nə olur-olsun, ailəmlə xoşbəxtəm. Şəxsi həyatımda da, iş həyatımda da hər şey istədiyim kimidir, dövran mənimdir! Flora mənə baxıb köks ötürür, qazandığım pullar onu "yandırır". Bundan sonra da çox yanacaq".

Sənətçi Rusiyada restoran sahibi olduğunu açıqlayıb və Xalq artistini oraya dəvət edib:

"Hələ Floranın restoranımızdan xəbəri yoxdur. Restoranımız Ufa şəhərində yerləşir, Flora xanımın bura yolu düşsə, gəlsin, qulluğunda duraq".

Milli.Az

Xəbərlərimizi WhatsApp kanalımızdan da oxuyun